百悅亭 (已結業)

工作需要到何文田，見住何文田廣場裝修後，多左唔少比較貴價的新餐廳。呢間鋪頭前身係KFC，初初裝修緊重以為係東南亞菜，見到寫住Chinese Tapas先知係中式! 午餐每日有幾款lunch set揀，價錢$60左右。用既碗碟比一般茶餐廳精緻，味道average。Lunch set包埋例湯，是日係西洋菜湯，都好足料，唔似味精湯。 散叫菜單比一般茶餐廳特別，例如呢個干炒黑松露黑豚肉河，都有少少twist。一上枱黑松露味超香，朋友本來話等埋我起筷，都忍住要食先。食落夠鑊氣，黑豚肉都炒到封住肉汁，又夠嫩。 餐廳價錢比附近茶餐廳價，但勝在坐得舒服，裝修新淨，唔使等太耐位，服務又唔錯。