番茄師兄 (已結業)

聽聞有間係專做蕃茄湯底嘅，就一於去食吓啦。我叫咗鮮氣逼人，麵底揀咗烏冬，仲叫咗個凍檸檬雪梨露。食物方面，飲咗啖湯之後，我敢講依個蕃茄湯底佢敢認第二無人敢認第一，湯底濃郁，每一啖湯都有蕃茄同埋湯入面啲配菜，而啲烏冬都掛滿曬啲蕃茄湯。帶子、蝦仁同墨魚滑都好大件，帶子鮮甜。飲品方面，凍檸檬雪梨露味道清甜，飲落都唔錯。服務方面，侍應服務幾好，即使外賣，都能感受到侍應傳遞嗰份溫暖。有機會嘅話都會堂食支持嚇吓。蕃茄師兄有良心，食物又好食，大家一定要多多支持呀！😝😆