肥老闆老壇酸菜魚 (已結業)

#大食小公主九龍城區出動👸🤪 有冇人同我一樣都鍾意食酸菜魚不過就係好怕辣同埋好驚湯底好油今日呢一間我終於搵到辣度可以接受而且湯底唔油嘅一間酸菜魚😘餐廳係新開 環境乾淨企理 最緊要係價錢合理👍🚩正宗老壇酸菜魚 $198（標準）如果係兩至三個人share食呢就建議嗌標準 如果四至六人呢就嗌加大$198食到酸菜魚呢個價錢非常實惠👍同左店員講要少少辣 辣度都係可以接受👍（我平時食開10小辣）魚嘅份量超級多 食到尾都仲有 餐廳用咗鱸魚 冇骨而且非常之滑😘配菜有蓮藕 萵筍 木耳 薯粉等等餐廳真係冇講錯‘’魚好吃湯更好飲‘’因為呢個湯一啲都唔油😆👍而且辣度接受唔錯唔錯！同行嘅朋友好多年前想過深圳食酸菜魚 食完表示呢一間拍得上想當年深圳正宗酸菜魚嘅味道👍👍🚩冰鎮咕嚕肉 $120本身對呢個咕嚕肉唔係話好大興趣啦不過店員推介就試一試😊反而超級有驚喜👍👍咕嚕肉下面鋪咗塵保鮮膜 咁樣就分開咗咕嚕肉同啲冰直接接觸👍咕嚕肉非常好食啖啖肉非常鬆脆🧡配料嘅菠蘿一啲都唔馬虎 好甜😘🚩嗆炒包心菜 $65同行嘅朋友推介一定要食呢個包心菜包心菜真係椰菜 看似普通嘅椰菜但係配合埋醬汁一齊炒非常惹味👍👍越食越辣但係越食越上癮☺️☺️