影片
更多
2023-09-05
1461 瀏覽
一直有聽聞呢度係好酒好蔡老闆嘅兄弟，主理嘅平民版，好蔡館，打完8號風球之後特登過嚟撞吓彩數，睇吓有冇位，果然Walk in，就有位啦！原本充滿期待嘅一餐，但係最後比侍應搞到一肚氣！首先建議大家多人會可以叫到多啲嘢食，因為我哋兩個人第一次嚟，所以想問吓侍應有咩推介？點知侍應就話： 係呀，你哋兩個人係食唔到啲乜嘢㗎啦，食蜆啦。然後我哋問佢滷水係咪有拼盤嫁，侍應竟然答我哋，拼盤咪自己拼囉，原來即係叫我哋每樣單點咁拼返起嚟！😅😂其實如果冇可以直接答冇，今時今日咁嘅服務態度真係唔係好得！中肯啲，講番野食我哋叫咗花甲$198 （細）同埋滷水鵝肝 $88個花甲都算新鮮同埋整得好靚，但係味道來講其實絕對係屋企都整到，純粹係加咗啲豉油魚露同埋浙江香醋，灑上芫荽同埋香蔥，食過一次就算！反而個滷水鵝肝做得好好，鵝肝非常之鮮嫩，而且滷水入味，滷水味好濃郁，但係又唔會太鹹，差啲想再叫多份然後我哋又叫咗蠔餅$ 138同埋滷水鵝片$268蠔餅就不過不失啦，同所有去潮州舖頭食嘅蠔餅都係差唔多滷水鵝片嘅份量都幾大，但係啲鵝片就唔會話好嫩滑，正常發揮另外我哋仲叫咗一個比較特別嘅燉湯鹹檸檬鴨肉湯$38味道好特別,估唔到鹹檸
原本充滿期待嘅一餐，但係最後比侍應搞到一肚氣！
首先建議大家多人會可以叫到多啲嘢食，因為我哋兩個人第一次嚟，所以想問吓侍應有咩推介？點知侍應就話： 係呀，你哋兩個人係食唔到啲乜嘢㗎啦，食蜆啦。
然後我哋問佢滷水係咪有拼盤嫁，侍應竟然答我哋，拼盤咪自己拼囉，原來即係叫我哋每樣單點咁拼返起嚟！😅😂
其實如果冇可以直接答冇，今時今日咁嘅服務態度真係唔係好得！
中肯啲，講番野食
我哋叫咗花甲$198 （細）
同埋滷水鵝肝 $88
個花甲都算新鮮同埋整得好靚，但係味道來講其實絕對係屋企都整到，純粹係加咗啲豉油魚露同埋浙江香醋，灑上芫荽同埋香蔥，食過一次就算！
反而個滷水鵝肝做得好好，鵝肝非常之鮮嫩，而且滷水入味，滷水味好濃郁，但係又唔會太鹹，差啲想再叫多份
然後我哋又叫咗蠔餅$ 138
同埋滷水鵝片$268
蠔餅就不過不失啦，同所有去潮州舖頭食嘅蠔餅都係差唔多
滷水鵝片嘅份量都幾大，但係啲鵝片就唔會話好嫩滑，正常發揮
另外我哋仲叫咗一個比較特別嘅燉湯
鹹檸檬鴨肉湯$38
味道好特別,估唔到鹹檸檬同鴨肉都幾襯.飲落去幾潤喉
潮州蠔仔泡飯$88
值得一讚嘅係啲蠔仔好飽滿同埋新鮮，啲碗泡飯都份量好大夠四個人share。
最後兩個人埋單都食咗$900
$900喺香港嚟講真係不足為奇，但係我冇預計到自己要受到好似茶餐廳咁嘅對待。
見到小红书有好多人推介呢間餐廳，都有幾個內地人嚟食，但係如果繼續維持咁嘅服務態度，就算嘢食幾好食都好，我都唔會再去幫襯！
張貼
