16 Shell (已結業)

嚟到天后搵食，見到呢間16Shell，佢哋有提供芫茜嘅菜單，所以特意嚟試吓。黑炭黑蒜蓉包：蒜蓉包即叫即烤，所以上檯熱辣辣脆卜卜，而佢啲蒜蓉味勁濃，未上檯都聞到香味。口感外脆內軟，蒜香味更加香濃。芫茜海蜆意大利麵：芫茜嘅香味同意大利粉好夾，亦能夠突出海蜆嘅鮮甜味，而佢獨特嘅香味，令整個意粉嘅味道層次昇華不少。無骨雞髀（Olio Style)配homemade 意大利麵：雞髀肉啖啖肉，肉質嫩滑多汁，雞皮好香脆，佢哋用咗嚟自夏威夷嘅咸魚仔同埋大蒜嚟調味，味道會帶咸香之餘仲會有濃厚嘅蒜香味，用嚟拌意大利粉都好合適。Blue Hawaii ：因為有Vodka同Rum兩款酒嘅關係，酒味會較濃，但佢因為有Blue Curaçao Liqueur ，所以呈藍綠色，用嚟影相都幾靚。Whiskey Sour：雖然佢喺Whiskey 但係都好易入口，可能係佢加咗Lemon Juice ，同埋喺杯口有層糖粉，令到入口時感覺係甜，唔會有酒精嘅苦澀味。