影片
更多
2021-03-09
511 瀏覽
台風可以話係我最鍾意食既拉麵店，計計埋埋我諗我都食過超過10次😂最近見佢推出翻以前長駐係menu既紅色暴雨，我就即刻去食下。果然，幾時去到都係要排隊，由佢啱啱開舖到宜家，好似黎親都係要排隊🙈今日平日12點幾去到，前面已經有6、7個人排緊，果然台風長期都係咁人氣👬不過無論點都無阻我想食台風既決心！ 1⃣️紅色暴雨拉麵（大辣）（$83）食過台風好多次，但係因為以前唔係好食得辣，所以一路都冇試過呢個。宜家大大下，個人越黎越鍾意食辣，咁啱見到佢個紅色風暴限時回歸，作為台風忠實fans我緊係要去試下！ 本身有諗過挑戰自己嗌個九號風球辣，自虐一下😂但係排隊果陣我問個店員，店員話真係好辣，同埋檯面會有辣粉同辣油，如果唔夠辣可以再加，所以我就嗌左個大辣算la。佢既辣味係幾爽既😂食完之後覺得成個肚都熱左，如果凍啲既時候食就正la。 碗麵有啲筍、溏心蛋、青蔥、一座山咁既辣味芽菜，同埋好多叉燒🤤仲有啲魚介粉係片紫菜上面。一黎到，就咁試飲左個湯底先，好味😍因為有辣味，成個湯底更加香更加惹味，食落會越食越辣，但係好正🤤我之後仲再加左辣粉辣油落去令佢再辣啲🔥下次有機會我一定要試下佢既九號風球辣！ 食左幾啖之後，
1⃣️紅色暴雨拉麵（大辣）（$83）
食過台風好多次，但係因為以前唔係好食得辣，所以一路都冇試過呢個。宜家大大下，個人越黎越鍾意食辣，咁啱見到佢個紅色風暴限時回歸，作為台風忠實fans我緊係要去試下！ 本身有諗過挑戰自己嗌個九號風球辣，自虐一下😂但係排隊果陣我問個店員，店員話真係好辣，同埋檯面會有辣粉同辣油，如果唔夠辣可以再加，所以我就嗌左個大辣算la。佢既辣味係幾爽既😂食完之後覺得成個肚都熱左，如果凍啲既時候食就正la。 碗麵有啲筍、溏心蛋、青蔥、一座山咁既辣味芽菜，同埋好多叉燒🤤仲有啲魚介粉係片紫菜上面。一黎到，就咁試飲左個湯底先，好味😍因為有辣味，成個湯底更加香更加惹味，食落會越食越辣，但係好正🤤我之後仲再加左辣粉辣油落去令佢再辣啲🔥下次有機會我一定要試下佢既九號風球辣！ 食左幾啖之後，撈埋個魚介粉落去個湯底到，湯底既濃度同埋香味更加升級⬆️好正。
2⃣️魚介豬骨湯拉麵（$78）
呢個係佢最經典既拉麵，以前我黎食，差唔多次次黎都係嗌呢個，湯底好濃好香，特別加埋魚介粉落去之後，食得出豬骨濃湯上再多一層香濃既魚香味，超正😌 呢碗拉麵同埋啱啱既紅色暴雨拉麵一樣，午市贈送既配料我地都揀左特製叉燒，原本佢已經有兩大片叉燒，加埋佢碎粒狀既叉燒，成碗拉麵勁多餸，食到最尾都仲有叉燒食🤭佢呢度既叉燒係偏厚身同埋瘦啲既，但係真係好大塊😳同埋會有少少鞋，我自己就覺得冇所謂la，始終佢個湯底真係太正😋碎粒既叉燒就煮得淋啲同埋入味啲既，覺得配料加叉燒都幾唔錯，可以一次過食曬佢兩款唔同既叉燒👍 另外呢度既溏心蛋都好正，好流心我好鍾意。而麵方面，細食既人要留意la，呢度既麵量係比正常拉麵店多1.5倍架！自己可以因應自己既食量揀翻正常麵量、75%麵量或者50%麵量，避免浪費食物la。我就食得曬既，所以就照嗌正常麵量😌呢度既麵質都可以自己揀，想要軟啲硬啲定普通，兩碗麵我地都係揀普通。佢既麵係偏硬有咬口，好掛湯好好味😚 同埋呢度係有教埋你應該點食個麵🍜首先試左啖湯食左條麵先，之後再撈啲2/3魚介粉落去個湯到，再試下，到最後食到差唔多既時候再落埋淨低既魚介粉同埋跟自己喜好落啲蒜蓉、胡椒粉落去食，咁樣就可以一碗麵試到唔同既口味😋我特別鍾意落蒜蓉落去，落完之後個湯底更加香，重口味人士一定鍾意！
張貼
