影片
更多
2017-12-28
1309 瀏覽
大紅袍係近排相當有人氣既火鍋店，不過我唔係話特別鍾意出街打邊爐——成日覺得自己買料都得啦，啲花臣野成日都係味精野既。所以上去之前我都冇特別期待。但食完大紅袍既火鍋，我諗我要推翻之前既諗法喇。食完我就已經心思思幾時有下次添。我地去既係大紅袍喺荃灣既分店，一行入去就覺得好闊落，好大，有卡位有窗口位，如果想睇下夜景可以預約時request啦。感覺餐廳有花幾多心思響室內設計上，裝潢既色調同材料配合返大紅袍呢個名，中國風之中帶點霸氣，好容易就令人留下深刻印象！連筷子托同木枱都有揀過襯過，唔係出面啲千篇一律既格局。未見湯底我地先攬醬料。呢度除咗有常見既芫茜蒜泥辣椒外，我必要推薦既就係個麻辣醬啊，好香，條脷真係會痺痺地，好過癮。我地揀咗金屋藏嬌湯底，雞湯配上一圈冬瓜，魚肚等食材，個湯本身已經好豪華，建議大家飲兩啖試咗個原汁原味先！講真，如果同細食既朋友去，淨係呢個湯底啲料都可以食到半飽。之後仲可以用響鈴／冰豆腐吸啲汁黎食，有另一番滋味。大紅袍既火鍋料好多選擇，菜肉海鮮丸餃子你諗得出都有，就算一枱人有唔同喜好都可以照顧到。我自己覺得不得不叫既係黑松露蟹肉餃子，一咬落去啲黑松露味爆出黎，真係想學食神既谷
我地去既係大紅袍喺荃灣既分店，一行入去就覺得好闊落，好大，有卡位有窗口位，如果想睇下夜景可以預約時request啦。感覺餐廳有花幾多心思響室內設計上，裝潢既色調同材料配合返大紅袍呢個名，中國風之中帶點霸氣，好容易就令人留下深刻印象！連筷子托同木枱都有揀過襯過，唔係出面啲千篇一律既格局。
未見湯底我地先攬醬料。呢度除咗有常見既芫茜蒜泥辣椒外，我必要推薦既就係個麻辣醬啊，好香，條脷真係會痺痺地，好過癮。
我地揀咗金屋藏嬌湯底，雞湯配上一圈冬瓜，魚肚等食材，個湯本身已經好豪華，建議大家飲兩啖試咗個原汁原味先！講真，如果同細食既朋友去，淨係呢個湯底啲料都可以食到半飽。之後仲可以用響鈴／冰豆腐吸啲汁黎食，有另一番滋味。
大紅袍既火鍋料好多選擇，菜肉海鮮丸餃子你諗得出都有，就算一枱人有唔同喜好都可以照顧到。我自己覺得不得不叫既係黑松露蟹肉餃子，一咬落去啲黑松露味爆出黎，真係想學食神既谷德昭大叫：好好味啊～～～～～～
啲料睇價值好似唔便宜，但每一樣份量都夠四個食有突，唔洗叫好多已經飽喇。
蝦膠，賣相超特別~ 食落好似油炸鬼包住D蝦膠咁，口感好有趣啊!
脆鯇片，大塊，但有少少骨，食既時候要小心D
黑豚5花腩片都係高度推介之一，肉質新鮮!埋單每人都係兩百左右落樓，其實同出面嗰啲以平民化為賣點既或者係任食都差唔多啦。分別在於，大紅袍既野食同環境都高一班喎，咁一定係揀黎呢度食啦！
張貼
