瀛豐放題料理專門店 (已搬遷) 新店位置

去銅鑼灣食泰日放題，地點夠晒方便。想問店員取點心紙，就提示我要scan枱面上的QR code，或響iPhone 就咁用影相功能影張相就會彈出頁面，再登記成為會員，就可落單。因我同朋友都太鍾意刺身，先點一輪刺身，三文魚夠厚切，赤蝦好大隻，非常鮮甜，仲叫埋泰式生蝦。非常彈牙，另外揀左升級個餐，可以任叫海膽帶子，好似個三文治咁夾住海膽，好甘香的海膽，唔腥，帶子亦都係好鮮甜。另外任叫生蠔，有海水味及淡淡蠔味，一叫再叫。還有熟食牛肉粒炒脆肉瓜。之後一輪燒物，繼續係燒帶子同炸蠔，串燒叫了牛肉同豬肉串燒，炸雞翼同炸芝士年糕，同樣令人回味，再點和牛壽司，好軟熟的牛肉，充滿油香，還有火炙鵝肝帶子壽司，好特別配搭，一濃一鮮，好夾呀！仲有燒羊排，估唔到係新疆風味，非常稔身，除此之外還有樟茶鴨同口水雞，同樣有特色，呢三樣嘢真係有驚喜，冇諗過放題會有呢種烹調方式。還有燒蝦同燒菠蘿，同樣吸引，甜品更有一個雪櫃任取迷你蛋糕仔同糯米糍，朋友唔覺意食左榴連味，哈哈！反而榴連係我至愛，雪條選了紅豆味，非常多豆。每位$239 再升級加$88 有成180 款美食，超多選擇。