影片
更多
2021-10-31
199 瀏覽
朋友話出嚟聚聚順便食生日飯， 就搵啲平日唔多去的地方。 咁啱見到大埔呢間， 超過380個笑的食評， 應該唔會伏卦， 就試試佢。半個月前用open rice app訂位， 首先冇打嚟reconfirm 時間， 唔緊要， 反正自己有mark 低。 跟住寫咗Birthday Dinner，冇提冇問， 唔緊要， 反正男人老狗。今日嚟到， 眼見餐廳幾細間， 只有5~6張四人枱+bar枱， 不過後來隱約聽到好似有二樓。因為只收現金， 朋友就出咗去㩒錢而我哋就睇下食咩， 唔夠10分鐘之內已經問咗我哋兩次食咩， 駛唔駛落單先。 Ok， 咁揀好就叫啦，原本點咗四個前菜， 因為唔知份量，就話主菜之後再叫， 點知居然聽到 “因為我哋用餐時間只有70分鐘， 所以可以order定先再上”。 我真係打個突， 70分鐘？ 連個半鐘都冇， 而家係返工午飯時間定做節高峰期？ 定係旺角大排長龍米豬連？ 計埋我哋諗的時間咪得番一個鐘， 嗰刻真心想起身。 另一個女侍應就話， “其實都會睇番食物出的時間同客人等位情況的。” 咁都正常啲。。。 不過好戲在後頭。我哋前菜點咗 “蟹餅”、“虎蝦沙律”、“香腸拼盤” 同 “法式田螺”。
半個月前用open rice app訂位， 首先冇打嚟reconfirm 時間， 唔緊要， 反正自己有mark 低。 跟住寫咗Birthday Dinner，冇提冇問， 唔緊要， 反正男人老狗。
今日嚟到， 眼見餐廳幾細間， 只有5~6張四人枱+bar枱， 不過後來隱約聽到好似有二樓。
因為只收現金， 朋友就出咗去㩒錢而我哋就睇下食咩， 唔夠10分鐘之內已經問咗我哋兩次食咩， 駛唔駛落單先。 Ok， 咁揀好就叫啦，原本點咗四個前菜， 因為唔知份量，就話主菜之後再叫， 點知居然聽到 “因為我哋用餐時間只有70分鐘， 所以可以order定先再上”。 我真係打個突， 70分鐘？ 連個半鐘都冇， 而家係返工午飯時間定做節高峰期？ 定係旺角大排長龍米豬連？ 計埋我哋諗的時間咪得番一個鐘， 嗰刻真心想起身。 另一個女侍應就話， “其實都會睇番食物出的時間同客人等位情況的。” 咁都正常啲。。。 不過好戲在後頭。
我哋前菜點咗 “蟹餅”、“虎蝦沙律”、“香腸拼盤” 同 “法式田螺”。 個香腸拼盤有三款唔同的種類， 配上薯蓉同少少酸菜， 味道正常。 虎蝦沙律就裡面有啲黎麥， 一堆沙律菜同三隻細蝦， 係咪虎蝦就唔知， 但就得三隻， 可能係預俾三個人share卦， 唔緊要， 我對海鮮冇咩喜好， 讓俾其他人食， 啲菜都幾清新。 個田螺有六粒，都係正常嘢， 有薯蓉墊底。 前菜以個蟹餅最好食， 個面有少許煎過，蟹肉亦夠多夠香。
香腸拼盤
5 瀏覽
1 讚好
0 留言
虎蝦黎麥沙律
6 瀏覽
0 讚好
0 留言
法式田螺
12 瀏覽
0 讚好
0 留言
蟹餅
11 瀏覽
0 讚好
0 留言
嘢飲我哋就點咗4杯夏日推介的特飲， 個名幾好聽 （只記得其中一杯），顏色亦夏日， 但味道就。。。 杯 “美女與野獸”， 有青瓜、橙汁、檸檬汁之類， 張相係橙色的， 但最後出嚟居然係綠色， 亦完全冇橙味， 朋友話似藥水。 而另外3杯就不過不失，但就幾甜，我溝咗三次水。
美女與野獸
$68
12 瀏覽
1 讚好
0 留言
唔記得名， 淨係記得有蝶豆花
$68
7 瀏覽
0 讚好
0 留言
無酒精百香果mojito
$68
10 瀏覽
0 讚好
0 留言
當黎個蟹餅的時候侍應又再提 “用餐時間只有70分鐘， 不如開始準備主菜”， ok， 又再提醒我只有一個鐘， 即係叫我好快啲食吖， 咁就講冇問題啦。 跟住一等就等咗差唔多15分鐘， 我哋都擔心食唔食得切。
先嚟過 “卡邦尼意粉”， 中間有隻糖心蛋同幾片Pama Ham，睇食評好似話啲意粉係手工做的， 比一般的粗身， 亦幾煙韌， 所以都幾有口感，但個醬汁有啲淡同浠， 分完第二叉俾朋友已經見到水滴滴咁， 而且分量偏少， 到我碟已經得番一啖， 直頭分唔到第四注。
卡邦尼意粉
$168
10 瀏覽
0 讚好
0 留言
食完個意粉又再等多10分個牛扒先到 （即係用咗25分鐘整）原本係好事，可以俾我哋傾下計， 但以 “70分鐘用餐時間” 黎講就只會係壓力囉， 因為期間班侍應已經不停行嚟行去喺度望住。
好啦， 終於都到，首先 一望配菜又係薯蓉 。 連薯條都唔俾， 可能簡單快趣， 又或者牛扒配薯蓉夾啲卦， 不過有其他選擇會好啲囉。 個牛扒味道其實ok的， 不過只有大概8oz，薄切只切到5.5塊， 已經連埋兩邊的片頭。 我哋用咗唔該10分鐘KO咗碟牛扒， 因為侍應又走埋嚟， 今次已經唔講70分鐘， 係直接話Last Order， 仲有冇嘢加。 個時只係差唔多8點， last order? 算吧，都已經冇mood，當然回應唔駛。 跟住唔駛5分鐘就隊張單埋嚟
牛肩肉扒
$228
3 瀏覽
0 讚好
0 留言
埋單差唔多一千， 呢餐只能講不過不失， 冇咩特別囉， 但以“70分鐘” （起碼被提醒4以上）， 絕對有更多同更好的選擇，亦唔會有第二次。 出到門口，鬼影都冇隻， 根本就唔駛咁催囉。 嬲嬲地加上完全唔飽， 最後走咗去食碗蛇羹+糯米飯， 仲滿足。
蛇羹+糯米飯套餐
$70
10 瀏覽
0 讚好
0 留言
張貼
