更多
2015-08-10
1208 瀏覽
去朋友家試完部PS4係時候醫下肚。見佢樓下呢間野好似幾人頭湧湧。唔洗等就入黎試下啦。點知一坐低就聽到門口開始要派飛等位好彩快一步。餓餓地就叫多幾味。炸豆腐。醬鮑魚。炒飯加多個蔬菜鍋就差唔多。炸豆腐炸皮薄而脆。內裡嫩滑。沾滿酸甜微辛既醬汁很討好。要快食唔係個皮就會淋嫁啦。醬鮑魚預先切片。方便夾唔洗成隻叉住黎食。醬油味剛好提鮮而不過咸。外層有點乾硬。但整體質感唔錯。有𡁻口又唔過韌。蔬菜鍋材料豐富。每樣小小。用上大醬調味。只用小量水黎細火煮。蔬菜原味得以保留。大醬加添了咸鮮滋味。令人忍不住停落黎。炒飯係是晚亮點。由靚女韓妹主理既席前炒飯。先用麻油炒香白飯。再加配料好似泡菜呀豬肉呀咁。最後係邊加上蛋液同芝士。等啲蛋半凝固就食得。唔食淨係睇都抵。炒飯調味剛好。而半凝固既蛋同芝士令味道更加有層次。菠蘿沙冰睇得又好飲。成個菠蘿打汁加冰。透心涼又酸酸甜甜咁幾好。價錢唔貴唔怪得咁多人食啦。
去朋友家試完部PS4係時候醫下肚。見佢樓下呢間野好似幾人頭湧湧。唔洗等就入黎試下啦。點知一坐低就聽到門口開始要派飛等位好彩快一步。
餓餓地就叫多幾味。炸豆腐。醬鮑魚。炒飯加多個蔬菜鍋就差唔多。
炸豆腐炸皮薄而脆。內裡嫩滑。沾滿酸甜微辛既醬汁很討好。要快食唔係個皮就會淋嫁啦。
醬鮑魚預先切片。方便夾唔洗成隻叉住黎食。醬油味剛好提鮮而不過咸。外層有點乾硬。但整體質感唔錯。有𡁻口又唔過韌。
蔬菜鍋材料豐富。每樣小小。用上大醬調味。只用小量水黎細火煮。蔬菜原味得以保留。大醬加添了咸鮮滋味。令人忍不住停落黎。
炒飯係是晚亮點。由靚女韓妹主理既席前炒飯。
先用麻油炒香白飯。再加配料好似泡菜呀豬肉呀咁。
最後係邊加上蛋液同芝士。
等啲蛋半凝固就食得。唔食淨係睇都抵。炒飯調味剛好。而半凝固既蛋同芝士令味道更加有層次。
菠蘿沙冰睇得又好飲。成個菠蘿打汁加冰。透心涼又酸酸甜甜咁幾好。
價錢唔貴唔怪得咁多人食啦。
張貼