築卷 (已結業)

距離上次去旺中都有一段時間，週六晚上過左黎食少少野作為手卷控，見到築卷都要一試，呢度嘅定價有啲特別… 平價嘅手卷$10-$20款式都有唔少，但某啲雙拼款價格較高，例如我經常食嘅三文魚拼帶子36蚊但見到實物份量都覺得合理，比較接近葵廣嘅大大舊路線，相對飽肚啲~三文魚拼蟹籽手卷 $28  三文魚兩大件、厚切、冇筋位，食落滿足，帶到2/3都仲食到！蟹籽嘅份量亦都唔少。紫菜未至於腍，但唔算好脆。成條手卷都幾具份量，飯多，並且已經調味整體係不錯食，可以一試！最鐘意呢度嘅手卷實物，比圖片賣相好，起碼唔係影出黎大大舊，得個樣。