築卷 (已結業)

旺角中心真係越黎越多野食，好似第二個葵涌廣場一樣，超多小食可以吃😂偽文青去呢兩個地方都是食野多過行街買野😽而今次就試下旺角中心1/F #築卷 既手卷。偽文青妹妹話呢個半板海膽壽司好好食，好足料，除了有海膽舖面外，查實手卷內仍然有海膽係入面，話啖啖海膽啵😆.至於不愛吃生的我 就點了火炙三文魚 同玉子燒😺火炙三文魚 有三塊半生熟三文魚 都可以既 但我就麻麻地咁多沙律醬 同埋唔係太夾個味道😅.而玉子燒 我確是欣賞既🙆🏼厚厚既玉子燒 比平時食既 再大舊少少 燒芝士舖面 內有白飯 加埋個醬汁 又幾好味😽.食完兩舊壽司 都半飽啦😆.

距離上次去旺中都有一段時間，週六晚上過左黎食少少野作為手卷控，見到築卷都要一試，呢度嘅定價有啲特別… 平價嘅手卷$10-$20款式都有唔少，但某啲雙拼款價格較高，例如我經常食嘅三文魚拼帶子36蚊但見到實物份量都覺得合理，比較接近葵廣嘅大大舊路線，相對飽肚啲~三文魚拼蟹籽手卷 $28  三文魚兩大件、厚切、冇筋位，食落滿足，帶到2/3都仲食到！蟹籽嘅份量亦都唔少。紫菜未至於腍，但唔算好脆。成條手卷都幾具份量，飯多，並且已經調味整體係不錯食，可以一試！最鐘意呢度嘅手卷實物，比圖片賣相好，起碼唔係影出黎大大舊，得個樣。

今日唔算太多人，係我前面得一個人等緊，但係前後計埋order時間都等左5分鐘左右先有得食，好彩唔趕時間~（京蔥吞拿魚手卷 $26）味道3/5賣相4/5吞拿魚厚薄適中，而且份量幾多，食到底都仲食到吞拿魚。不過就唔算特別好味同新鮮。至於京蔥好香口，同吞拿魚嘅味道好配合。手卷飯量唔算太多，係料多飯少，對於我呢D唔特別鍾意食飯嘅人岩岩好。

去到旺角中心 購物係一回事 但總要填咗肚先 有啲餓嘅我 要咗客手卷 手卷款式好多 揀咗一陣至諗到食咩 明太子手卷明太子分量都幾多 係食食下會跌落黎既程度 飯既量都被我想像中大 所以都幾飽肚 上面有沙律醬 加埋珍珠米 好正 唔鐘意沙律醬既 仲可以落鼓油同 隱形wasabi 😀

而家手卷店真係開到成行成市，行下街睇下衫又見到間，少少地試下先門面有好多手卷相，真係卷多眼亂冇乜人等，order完俾完錢點完就直接叫師傅整，等2,3分鐘就有得食。海膽並無馬糞咁搶，有淡淡鮮甜味，紫菜仲有少少脆。但飯就有D暖，稍稍減分。食到一半都仲見到有海膽，所以都覺得佢足料。少少豉油調出味道，但冇特別問要唔要辣(Wasabi)補充體力可以再上路

以前去旺中都不外乎買平衫，食撈面乜乜乜，最近嚟個小變革，引入咗幾間小食店，令大家食嘢多咗啲選擇，其中呢間手卷店引起咗我注意，因為佢賣半板海膽手卷我上星期響其他地方食咗個半板馬糞手卷，所以響呢度都買個半板手卷試試先～就咁睇都好大份，好多海膽，好似雪糕而且粒粒海膽都好分明，咬落去，紫菜係脆嘅，值得嘉許！至於海膽，口感尚算滑身，不過我嫌佢食耐咗味道會略澀，另外海膽份量真係唔少，食到尾都仲有少少海膽，不過我個人嫌飯嘅比例多咗啲，減少啲飯會開心少少～呢個半板海膽手卷45蚊，份量唔少，都算值呢個價嘅～但同之前響另一啲地方食嘅馬糞手卷嘅價錢同味道相比，就無好大意欲食多轉啦～不過想過吓海膽口癮嘅你，呢間都可以一試㗎最後送上價目表做參考～

又到旺中揾食。 當然不少得去築卷啦。價錢睇落幾吸引，半板海膽手卷都是45元，抵。今次買黃金魷魚手卷，16元。等了約七分鐘，手卷到手了 ，你會feel 到飯仍是暖暖的。其實飯量不多，四啖可吃完， 紫菜好脆，食落卜卜聲， 魷魚及魚子雖然凍涑哋，但都好好味。由於太細件 ，唯有吃多件。三文魚手卷，16 元，三文魚色澤不錯，都好鮮甜。店旁有調味角，有豉油及隱形wasabi 供食客選擇。由於想提升三文魚味道，便加些豉油及隱形wasabi。咁就出事了，加了約五滴wasabi, 其 一股辣味，上就刺激鼻孔，令鼻塞情況立即通晒，下至氣管，差點哮喘發作，搞到我兩眼不停掉淚水。各位下次落隱形wasabi 真是要考慮清楚。

旺角中心近來開了不少小食店，『 築卷』就是其中一間。店如其名，築卷專賣外賣手卷，所以今次也點了「海膽拼三文魚籽手卷」來試！由於是即叫即製，等候時間不算太長，10分鐘左右就有得吃。手卷的表面鋪滿海膽和三文魚籽，多到我在吃時不小心掉了幾粒魚籽😅海膽算大件，也很鮮甜，一點也不腥！因為飯是微暖的，所以紫菜已有點軟軟的。值得一讚的是手卷內也包有海膽，所以吃到底不只有白飯加紫菜呢。實在非常值得一試，下次必定會再來吃！------------------------------By alvahana (ig: alvahana)