影片
更多
2020-08-15
127 瀏覽
午市時間同朋友嚟呢度食拉麵過下癮，因為天氣好熱，所以我就揀咗個香蔥鹽味湯拉麵，感覺比較清爽，套餐仲跟咗雜菜沙律 拉麵啲蔥鋪滿咗成個碗面，仲有開邊各半隻嘅溏心蛋，蛋黃半流心，係我鍾意嘅熟度，食落鮮甜，仲有啲木耳絲慢煮雞胸係呢間鋪頭嘅特色，取代叉燒真係一啲都唔失色，4塊份量都好足赤雞肉質細嫩，雖然溫度係凍嘅，但係食落口感一啲都唔鞋，整個麵嘅湯底好清，呈透明狀，麵條都彈牙 朋友都係食番呢個招牌雞白湯，仲要係極濃嗰款，湯底creamy仲有少許起泡浮誇嘅炸牛蒡仍然係最吸睛，加埋雞胸，叉燒，簡直係夢幻拉麵組合 套餐加20蚊可以有一支bless嘅冷壓果汁我叫咗支蘋果汁，店員上枱嘅時候提醒我要先搖勻再飲果汁香氣重，就算冇添加糖，天然嘅甜味都好夠 因為朋友叫嘅雞白湯拉麵十分之濃厚，所以最後我哋都加咗呢個抹茶軟凍(+28)，食落好似蕨餅，凍冰冰，完全起到解膩嘅作用
午市時間同朋友嚟呢度食拉麵過下癮，因為天氣好熱，所以我就揀咗個香蔥鹽味湯拉麵，感覺比較清爽，套餐仲跟咗雜菜沙律
拉麵啲蔥鋪滿咗成個碗面，仲有開邊各半隻嘅溏心蛋，蛋黃半流心，係我鍾意嘅熟度，食落鮮甜，仲有啲木耳絲
慢煮雞胸係呢間鋪頭嘅特色，取代叉燒真係一啲都唔失色，4塊份量都好足
赤雞肉質細嫩，雖然溫度係凍嘅，但係食落口感一啲都唔鞋，整個麵嘅湯底好清，呈透明狀，麵條都彈牙
朋友都係食番呢個招牌雞白湯，仲要係極濃嗰款，湯底creamy仲有少許起泡
浮誇嘅炸牛蒡仍然係最吸睛，加埋雞胸，叉燒，簡直係夢幻拉麵組合
套餐加20蚊可以有一支bless嘅冷壓果汁
我叫咗支蘋果汁，店員上枱嘅時候提醒我要先搖勻再飲
果汁香氣重，就算冇添加糖，天然嘅甜味都好夠
因為朋友叫嘅雞白湯拉麵十分之濃厚，所以最後我哋都加咗呢個抹茶軟凍(+28)，食落好似蕨餅，凍冰冰，完全起到解膩嘅作用
張貼
