煲底海鮮火鍋料理 (已結業)

今次識得上嚟係因為識食朋友推薦，度度都有得打邊爐，但呢度既食物款式同埋自家製嘅餃子小吃都好高質，食過之後都覺得與別不同，值得再訪！ 🤍菜膽肘子燉翅裙雞鍋先飲一碗真材實料、香甜無味精嘅滋潤雞湯先開始打邊爐，入面真係有三四塊又肥又厚既魚翅架！雞肉夠滑，湯底仲加埋紅棗，秋冬天必點。🤍潮牛（爪邊）第一次食爪邊就愛上了🥹🥹牛肉邊緣帶有一點點簿筋膜，略帶爽身有咬口，鮮甜味美；牛肉既部份脂肪均勻，超級好食！🤍花樣油條油條釀上蝦滑再拎去炸，脆卜卜係無人不愛嘅小吃🤍自家製黑松露帶子湯包大推！黑松露味係驚喜的濃郁，加上鮮甜嘅帶子，整個配搭無可挑剔🤍自家製墨魚韭菜餃大推！皮薄餡靚，估唔到韭菜加墨魚嘅口感會係咁正，香之餘又有咬口🤍椒鹽粟米爽口鮮甜嘅玉米披上一層薄薄嘅椒鹽炸粉🤍金桔熱情果四季春酸甜度適中，後調滲出茶味，絕對唔係勁假死甜嘅飲品