影片
更多
2017-02-03
635 瀏覽
去過幾次呢間嘢，講真有朋友識得，本來唔想講。但我講出來，都係希望佢哋明白，咁樣嘅服務，今日好生意，但遲早都會臭。第一次去，食花膠雞煲，覺得好好味，價錢算係唔平，但可接受（每人$300左右，視乎食乜嘢）。第二次去，已經重重波折，多次打去都電話唔通，仲要早又打夜又打都唔通，一係就冇人聽。結果合五人之力終於打通，book到位。其實聽個電話有冇咁難？咁努力打都係想book檯，book唔到呢幾日，咁都可以book幾星期後卦？？好啦，book咗，到當日去食，服務態度一如既往麻麻地，一行5人叫咗個細窩花膠雞煲，大家飲下飲下......頂，有隻小強！冇錯，小強喺我碗湯，同件花膠一齊。當刻本人已經飲咗三碗，即刻想嘔。當然，我哋叫佢伙記來，佢哋一睇，換了個窩俾我哋。今次，換了個大窩。不過，就係咁多，冇其他補償。都算啦，咁就當唔好彩一次吧。自己都做過食肆，小強周圍都係，但正常都最少俾個8折9折人哋，冇理由咁唔識做。之後，如是者再有朋友想去，我又再book位，結果個幾星期打極都唔通，決定喺佢開鋪一刻去博下有冇位。點知，冇位。我話：我都想打來book，但你哋電話真係好難打得通呀！對方望都唔望你一眼，就話：下？我
第一次去，食花膠雞煲，覺得好好味，價錢算係唔平，但可接受（每人$300左右，視乎食乜嘢）。
第二次去，已經重重波折，多次打去都電話唔通，仲要早又打夜又打都唔通，一係就冇人聽。結果合五人之力終於打通，book到位。
其實聽個電話有冇咁難？
咁努力打都係想book檯，book唔到呢幾日，咁都可以book幾星期後卦？？
好啦，book咗，到當日去食，服務態度一如既往麻麻地，一行5人叫咗個細窩花膠雞煲，大家飲下飲下......頂，有隻小強！
冇錯，小強喺我碗湯，同件花膠一齊。當刻本人已經飲咗三碗，即刻想嘔。
當然，我哋叫佢伙記來，佢哋一睇，換了個窩俾我哋。
今次，換了個大窩。
不過，就係咁多，冇其他補償。
都算啦，咁就當唔好彩一次吧。自己都做過食肆，小強周圍都係，但正常都最少俾個8折9折人哋，冇理由咁唔識做。
之後，如是者再有朋友想去，我又再book位，結果個幾星期打極都唔通，決定喺佢開鋪一刻去博下有冇位。點知，冇位。
我話：
我都想打來book，但你哋電話真係好難打得通呀！
對方望都唔望你一眼，就話：
下？我哋個個客都係打來book㗎踻。
無言。趕客作風，其實真係唔係個個受得來，我相信好多人一早放棄了呢間餐廳。其他人講嘅交檯問題，我都唔想再講，但我想講句真心話，如果服務質素同衛生情況繼續如此，只會繼續趕客，到時臭名遠播就唔會再有翻頭客。
張貼
