果然冰室 (香港仔大道) (已結業)

今朝約咗幾個朋友食早餐。我哋好搞笑，每個人都不約而同咁叫咗個沙嗲牛肉公仔麵餐！我揀咗轉米粉（唔需要加錢）、炒蛋多士（加$2）同熱奶茶餐。奶茶一般般，茶味比較淡。沙嗲牛肉米粉都唔錯，牛肉份量多，肉質鬆軟，米粉唔會太腍。多士就好麻麻，因為烘得唔夠脆，而且牛油太少。朋友食牛油方包反而話幾好味，麵包新鮮。喺香港仔咁多間餐廳嚟講，果然冰室算係最闊落，令人坐得最舒服嘅鋪頭。食完之後唔使滾水淥腳，仲可以同朋友傾一陣間計先走。朋友話果然嘅下午茶好抵食，仲大力推薦炸雞脾。下次有機會我都要試吓先🍗