34
9
2
以上資料只供參考, 請與餐廳確認詳情
食評 (58)
等級3 2022-07-13
1107 瀏覽
又到午餐唔知食咩好既時候😩😩去到香港仔行左去香港仔中心幾期既商場都唔岩心水兜左幾圈行返遠d去返大街果邊見到佢😎門面望落就無人排隊一個人去就岩曬 唔洗等位竟然有all day breakfast 食😳😳😳不過時間唔容許我慢慢嘆我都係食返普通午餐算嚕我點左黑松露忌廉雞肉意粉賣相好靚啊 望落細細份 但食落好多忌廉汁包住每條意粉仲要個忌廉汁1d都唔油膩每一啖都唔怕食污糟個咀😆😆😆都幾好食不過有樣野想講佢個雞肉用左花雕酒醃配搭係西餐黎講就有少少格格不入咁但大致上我都好滿意另外不得不提超鐘意及滿意個凍飲杯係不鏽鋼杯因為我係啲好鍾意食晒嘢先飲嘢嘅人嚟用呢個杯就唔使擔心杯野好快溶😜 繼續閱讀
(以上食評乃用戶個人意見 , 並不代表OpenRice之觀點。)
等級3 2022-06-07
742 瀏覽
估唔到傳統茶餐廳裏面竟然會有英式全日早餐,仲要係平民價!👆🏻全日英式早餐😻呢個同我哋平時出街食嘅我哋Breakfast都好似,有炒菇蕃茄仔炒蛋,煙肉,腸仔周焗豆,整體來講都唔錯,特別一讚佢個多士烘得好出色,上面嗰果醬甜甜地,中和返其他鹹點👆🏻全日素食早餐😼朋友想食素就揀咗呢個,其他嘢都差唔多,不過佢個薯角炸得超香脆,大啡菇都煎到恰到好處!...⚠️非進食時記得帶口罩⚠️除左口罩再消毒雙手💸.消費. $237🈵.回頭率. 9.0/ 10 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-11
567 瀏覽
Let's Jam 門口唔係好顯眼,道趟_門上都望唔到裹面乜嘢環境,只看到"營業中"個牌,在線上都有幾多好評,咁就按掣入去食個早餐。店内裝修新净,簡樸不奢華,以白枱配黑色人造皮坐位為主,有卡位有長枱,環境舒舒服服,他他條條喝杯茶,看看電視節目也錯。早餐餐牌有港式米粉、通粉和沙嗲公仔麵,更有歐陸早餐和all day breakfast,今次清清地叫個鮑魚片火腿絲通粉配煎蛋奶茶。濃濃的忌廉湯底很配合淡淡的通粉,火腿絲算多再加上4片仿鮑片,算丰富了,但略嫌偏醎一點,有油浰的感覺,煎雙蛋外熟内軟,煎得唔錯,跟餐塊牛油三文治柔軟新鮮,奶茶就凍咗D啦。整體來說,以$36一個早餐算唔錯了,但唔係好好。 繼續閱讀
(以上食評乃用戶個人意見 , 並不代表OpenRice之觀點。)
等級2 2022-05-06
413 瀏覽
今次開工出黎香港仔搵野食,原本諗住食燒鵝,點知無位停車。。。最後過左黎果然冰室試下,一入去客都無隻。。。都無咩所謂嘅,坐落零零丁丁開始有啲一個人嘅客入黎食,睇落似街坊。但係各方面都真係唔錯,無論環境,服務態度,野食,同埋價錢,我覺得都真係好好!!完全唔知點解會無客。。。我自己係食咖哩雞扒加凍奶茶少冰少甜,咁樣一set58蚊,件雞扒又真係極大件,正!無得頂,係呢頭咁嘅價錢有咁嘅質素同服務真係希望呢啲餐廳多啲人知同多啲生意啦😬 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-18
495 瀏覽
(工作需要打完針😵懶咗幾日 終於返黎!)之前淨係食過西貢嘅Let's jam, 要試埋佢哋嘅果然冰室🥰香港仔💛店真係數手指就數哂🥺, 但間間💛店都係出色既!! 今次去香港仔係因為想搭船去南丫島行下😂 順便去食個靚早餐!💬 煙鴨胸特濃野菌忌廉湯通粉 - $36顧名思義~佢真係一碗幾濃嘅蘑菇忌廉湯配上通粉, 菌類控人食就超滿足, 係偏咸咗少少😛😛 不過加埋滑蛋食就啱啱好喇🥰👍煙鴨胸份量比我想像中多幾抵食💬全日英式早餐 - $78是日果醬係木瓜雪耳果醬好有驚喜🤩, 本身唔係好鍾意食木瓜, 亦都冇想像過木瓜果醬係咩味道; 估唔到...木瓜果醬係超~好~味, 好香好甜!!! 加埋雪耳碎就爽爽脆脆咁😋🤭 煙肉腸同滑蛋都正常發揮~ 雜菌就要讚讚, 有幾款唔同既菇, 而且都整得幾入味, 份量都好足夠!💬 歐陸早餐 ~吉列魚柳+滑蛋 焗豆同多士 - $42吉列魚柳都幾大件同厚身, 食落新鮮香脆, 加埋沙律醬食非常正😝😝 多士上再加咗白砂糖去(好唔健康啊我🙅‍♂️😅😂 繼續閱讀
(以上食評乃用戶個人意見 , 並不代表OpenRice之觀點。)