孖寶車仔麵

營業中

休息中

葵涌廣場係我以前放工必經之地，放工見餓餓地就會去孖寶到食個車仔麵頂下肚的， 雖然我已轉行好多年，但有時都會去葵廣行下街掃下街回憶下的。今次就帶同謙謙一齊來食返碗車仔麵嘆返一碟滑溜的腸粉。辣魚蛋+腸粉 係我每次來必點的，我會咩醬都要但走辣醬， 因為辣魚蛋的辣汁同腸粉已經好夾，呢到的魚蛋係我鍾意食的款式，腸粉又薄又滑溜沾滿醬一吸落去最正。我果碗車仔麵就選左牛腩大腸牛肚河，再係面層落多多辣菜圃呢個配搭好滋味，牛腩夠腍，大腸唔錯牛肚滷得幾好。謙謙選擇左 豬紅辣魚蛋豬皮粗麵，識食的佢就會落一匙辣菜圃，又會再落唔辣菜圃去撈勻d 麵一齊食。