影片
更多
2016-05-29
1480 瀏覽
拉麵台風幫襯過不下十次，２年前第一次去食嗰時飽到上心口嘅感覺仍然記憶猶新。款式唔多，只有幾款比你選擇，包括有伊台風（即蕃茄芝士湯底）、魚芥豬骨湯、紅色暴雨（即辣底）、骨膠原撈麵同埋沾麵。咁我就唔太鐘意食辣同埋撈麵，所以只試過伊台風、沾麵同埋魚芥豬骨湯，當中以伊台風為「賣飛佛」，所以以下嘅評論都係講伊台風。味道伊台風，即蕃茄芝士湯底，正確啲嚟講係蕃茄湯底配火炙芝士。蕃茄湯底十分「傑」，亦唔會有太酸嘅感覺，唔似我哋平時出街食嗰種蕃茄底。湯底蕃茄味香濃，但食落又唔似係蕃茄煲出嚟嗰種感覺。雖然唔知佢係咪用真‧蕃茄嚟整湯底，但湯底出到嚟嘅效果唔錯。至於芝士方面，佢係整好哂碗麵再鋪Ｄ芝士條上去，然後用火槍燒佢。因此啲芝士係溶唔到喺湯裡面，只能痴住食。叉燒方面，份量十分大方，厚切２片有手掌咁大嘅叉燒比你慢慢歎。佢啲叉燒係預先整熟咗，只係靠碗麵嚟「馨」返熱舊叉燒，所以唔好期待佢係熱辣辣。雖然叉燒厚切又大舊，食落唔「鞋」而且略有豬味。糖心蛋做得好出色，蛋味香濃又唔會過熟。我每次都係先食隻蛋，以免佢浸得湯底太耐而熟咗，會失去「流心」效果。麵方面亦係十分大方，係餐牌已表明拉麵份量係坊間嘅1.5倍，而佢亦都唔
味道
伊台風，即蕃茄芝士湯底，正確啲嚟講係蕃茄湯底配火炙芝士。蕃茄湯底十分「傑」，亦唔會有太酸嘅感覺，唔似我哋平時出街食嗰種蕃茄底。湯底蕃茄味香濃，但食落又唔似係蕃茄煲出嚟嗰種感覺。雖然唔知佢係咪用真‧蕃茄嚟整湯底，但湯底出到嚟嘅效果唔錯。至於芝士方面，佢係整好哂碗麵再鋪Ｄ芝士條上去，然後用火槍燒佢。因此啲芝士係溶唔到喺湯裡面，只能痴住食。
叉燒方面，份量十分大方，厚切２片有手掌咁大嘅叉燒比你慢慢歎。佢啲叉燒係預先整熟咗，只係靠碗麵嚟「馨」返熱舊叉燒，所以唔好期待佢係熱辣辣。雖然叉燒厚切又大舊，食落唔「鞋」而且略有豬味。
糖心蛋做得好出色，蛋味香濃又唔會過熟。我每次都係先食隻蛋，以免佢浸得湯底太耐而熟咗，會失去「流心」效果。
麵方面亦係十分大方，係餐牌已表明拉麵份量係坊間嘅1.5倍，而佢亦都唔係嘩眾取寵，真係好大碗，雖然我真係好想食哂佢，但好多時都食剩約３—４啖，所以比較細食嘅人不妨喺落單時揀較少嘅拉麵，以妨食唔哂浪費食物。
配材方面，特別想讚吓佢嘅荀。通常食荀都有陣味，但佢醃得好好，略帶辣味，完全唔會難以入口。另外伊台風會有２片生蕃茄，感覺好fresh。
環境
認真麻麻，坐嘅方面類似BAR枱，加上勁高嘅櫈又冇得「ｉ」住，其實唔舒服。加上位置好迫，人滿嘅話會手碰手，尤其天氣凍個個着大褸嗰陣問題更嚴重。
服務
侍應人數充足，但係坐入面嘅話就較難叫到侍應，因為縮咗入去。走嗰時會全部人同你講拜拜（應該係，因為唔識聽日文），同返佢哋講byebye會笑得好開心。
衛生
記得有幾次去食嗰時有小昆蟲飛嚟飛去，幸好餐具方面都乾淨。
總結
因為拉麵份量係平常嘅1.5倍，所以食完會好飽，加上叉燒又大舊，其他材料味道亦唔差。總括黎講都抵食亦值得一試。
張貼