小食糖 (已結業)

我同友人喺尖沙咀搵緊有咩台灣野食，但由於係星期五晚既關係，好多餐廳都好full好多人排隊，咁我哋最後誤打誤撞入左美麗華商場睇水牌見到有呢間，一心諗住，正! 唔洗再周街搵。一去到，我哋以為係等staff帶位，但我哋等左陣都無人岀嚟，最後我哋見到門口有細字寫”自行搵位”。OK Fine，我哋可以自己搵，但重點係明明D staff係見到我哋，但亦完全無視我哋，繼續做自己嘢，當我哋透明咁🤦🏻‍♂️服務質素有待改善。之後我哋坐低左，連Menu都係要自己攞，OK無問題，但我一攞menu，個staff好似終於望到我哋咁，無尾音 頭也不回咁指住張紙話”呢4樣無”，之後一望張紙，無既分別係麻醬麵，豆乳雞，魯肉同一樣唔記得係乜，換句話說即係所有牽涉呢4樣材料既食物都無😨之後一睇番menu，簡單嚟講即係得牛肉麵係有🙄極度荒謬。星期五晚7點未夠既呢啲黃金食飯時間，你同我講乜嘢無，咁同你同我講唔好食有乜分別😢本來如果你哋既態度好少少，我都會留低食你哋個牛肉麵，話曬好醜都一餐。但一間餐廳最重要既食物同服務質素，兩樣都無，你說服唔到我留低食你個面。呢間餐廳完全係影衰黃店，完。