圓山台灣料理 (已結業) 查看

今晚同朋友來尖沙咀想食台灣菜，呢間圓山台灣料理出名是正宗台灣菜，就同朋友訂枱來食下，估唔到咁大的餐廳入面都满晒座，人山人海，好熱鬧。四人套餐款式眾多，好吸引，價錢又相宜，我地決定叫呢個餐。先黎拼盤，鹽水鴨肉質厚實，少少鹹味，咬落清甜，蠔油生腸，生腸軟稔爽口，蠔油味道好夾，入面仲有少少粉粉地，有口感，麻辣鴨舌係必食之選，麻得黎又唔會太辣，又夠入味，鴨舌爽脆可口。台式黃花魚，表鋪有麻婆豆腐，底係炸過的黃花魚，肉質鮮甜嫩滑，辣辣地好入味。台灣滷肉，大大舊的半肥瘦豬肉，滷水汁夠入味，甜甜地豬肉炆得十分淋身同入味，咬落香味散發，油脂味香濃。台式蚵仔煎，蚵仔份量多，鮮甜嫩滑，蛋煎得剛好熟，蛋香十足。屏東小炒，用咗多款配料一齊炒，有韭菜，魷魚絲，蝦乾等，味道惹味。基隆花枝羹，湯底夠濃稠，味道鮮甜，花枝大粒彈牙。蒜蓉炒油麥菜，新鮮爽脆，炒得剛好熟，油綠色。套餐包的肉燥飯同擔擔麵，味道惹味，肉燥夠入味。原桶撞豆腐花，奶白嫩滑，原木桶上，豆腐味濃郁。