雲南啊老表黑山羊湯鍋米綫 (觀塘工業中心) (已搬遷) 新店位置

今晚收工經過這間觀塘工業中心地下的米線餐廳， 聞到好香嘅羊肉味 ,反正有點肚餓，就食米線當晚餐啦。這間雲南啊老表黑山羊湯鍋米線以黑山羊食材為主， 所以近餐廳門口已經聞到好大陣香口嘅羊肉味,令人食指大動。餐廳裝修雖然一般，但因好大間，座位好多，所以坐得舒服，抵銷返！由於羊肉味實在太香了，忍唔住點了碗超大牛羊雙併米線， 大大碗只係58元，兩款肉份量都比好多，味道好正，肉味香濃。 估唔到羊肉完全沒有羊騷味，加上是腩部份，好嫩滑口感，羊味香甜，好食。至於牛肉，也是牛腩部位，肉香味濃，收$58咁嘅價錢，確實超值。米線質感，也有水準，軟硬舒中，口感有少少彈牙，我至like的口感。這店也提供很多少食， 叫了一碟美味口水雞，盛惠HK$30,價錢適中，雞肉肉質新鮮，口感嫩滑，食落很有雞味，加上少許辣，香辣味濃，不錯。跟餐加HK$7元還有杯凍菜蜜飲,甜甜地又可解下渴，正。同事點了碗豬頸肉米線， 豬頸肉雖然不是炸過,但切得厚薄均勻，口感爽彈，食落肉味嫰。