拉麵台風 (已搬遷) 新店位置

Item: 拉麵台風
Rating: 0
Author: kcchoi

Ramen Taifu

549 食評

味道

環境

服務

衛生

抵食

16562

荃灣

$51-100

日本菜拉麵

369

kcchoi

等級1

     最近有住荃灣的朋友介紹台風拉麵店給我, 朋友一星期會去兩晚醫肚, 他還說有不少日本人都會去台風食拉麵, 我這個日本痴, 當然令我很好奇都想去試下.
     這幾個星期都下著雨, 諗住一個下著雨的星期三晚上, 我跟友人共三人可以靜靜地品嚐拉麵, 誰知道我們6:45到台風拉麵店, 突然客人真係好似一陣台風一樣, 就全場坐滿. 我還未看清楚菜單內容, 其他客人已經order 好了, 他們一定是熟客仔. 先講講這間店的裝修, 墙壁上有不少手繪和風畫, 顏色鮮明, 圖案特別, 有別於一般裝修. 我覺得很有特色. 最搞笑就係連厠所都畫上一些圖案. 雖然畫功不算得上係上品, 但真係看得出係付出過不少心機.
     我相信店內有二個以上店員是日本人, 因我們一步入店, 全店員工就用日語說歡迎你, 那種氣勢係要有幾個日本人才對. 全店都係bar櫈, 這張櫈都幾高, 坐上去都有少少難度, 後來才發現原來係可以調較低一點, 隔離那個女仔, 坐了上去, 好似升咗上天一樣, 超搞笑. 看看菜單, 其實只有5款麵, 魚介豬骨湯拉麵, 豬軟骨撈麵, 紅色暴雨拉麵, 伊台風(番茄芝士粉), 及沾麵. 價錢算合理, 拉麵台風之必食係魚介豬骨湯拉麵, 所以我就點魚介豬骨, 另外朋友點了伊台風(番茄芝士粉)及沾麵. 我跟朋友都有加蛋及紫菜, 因為怕拉麵太細碗, 唔夠飽. 早前一班熟客先點菜, 我們三人就要耐心等待, 所以我們就看看進食方法, 原來先不要撈魚介, 先喝喝豬骨湯. 當我細看進食方法時, 我們三碗麵已經準備好了. 我當然跟足指示, 先喝一口豬骨湯, 嘩! 真係好香好濃的湯, 味道令我想起上次去日本旅行的情景, 一口豬骨湯就令我像身處日本一樣. 然後我再混入1/3魚介, 魚介令豬骨湯更層次感. 真係very good. 再一口拉麵, 唔好講笑, 麵身比一般粗, 跟濃濃的豬骨湯係prefect match. 我真得愛上這碗麵. 义燒有三大塊, 我開始有些後悔加蛋及紫菜, 因為义燒好大塊, 麵又有好多, 加了紫菜後, 紫菜多到好似成把扇咁, 笑到我同朋友死. 因為我哋冇諗過78元會係咁大碗, 但唯一不明白, 為何湯不夠熱呢? 可能這也是台風的特色, 但我就喜歡熱騰騰的感覺. 朋友點了伊台風(番茄芝士粉)及沾麵, 我各只喝了一口湯, 伊台風係番茄湯底, 我就覺得魚介好味一些, 沾麵湯底又係另一會事, 比起魚介豬骨再濃一點, 而且沾麵湯底係熱到燙咀, 還有麵身係有少少透明, 朋友話好正, 下次我一定要試試沾麵.
     現在很多拉麵店都要一百大元一碗, 仲係食唔飽. 但這間店價錢平, 正宗日本味, 而且又大碗. 不過有待改進的是坐位, 有些不舒服. 位置方面也不太方便, 希望拉麵台風快些開分店. 那就好了.