淥鼎記

營業中

休息中

食厭普通嘅茶樓，今日午餐嚟呢間平時食火鍋好出色嘅酒樓，試吓呢度嘅點心。呢度嘅裝修好特別，非常中式，配合中式餐飲嘅環境，呢度嘅茶係每位自己一個茶包，所以可以按自己嘅喜好飲唔同嘅茶，呢個安排幾好，加分！黑魚子燒賣新鮮出爐嘅燒賣特別好食，燒賣唔會太鹹，包得都幾精緻。杞子高湯鮮竹卷呢個湯好清甜，鮮竹卷嘅腐皮好滑蟲草花鮮蝦菜苗餃菜苗餃清清淡淡唔錯嘅點心春風得意腸我最鍾意食呢個，因為好滑嘅腸粉皮包住脆卜卜嘅材料，口感特別一流又好味。胡麻秋葵份量好大碟，秋葵大支又甜有口感，很好嘅前菜。上湯浸時蔬健康之選，如果份量多啲會更好。 流心紫薯