客家好棧 (已結業)

真係人有佢又有，客家好棧都有大閘蟹食，但係由於拆蟹需時，所以只叫兩隻。仲想吩咐只要公o吾要也母，侍應哥哥好醒咁話佢地只賣公，無蟹也母o架！不過哥哥就猛咁叫我地order 羊腩窩、雜魚窩，喂喂！一眼睇哂，得兩個人咋，天氣雖然涼o左小小，點食呀？不過最後都有叫到招牌牙籤骨同煎釀豆腐，再加一碟帶子炒鮮奶&欖菜炒豆角。今次究竟好o吾味呢？大閘蟹足六兩，不過可能遲o左少少，早D食可能仲好味。牙籤骨其實就係燒豬肋骨，乾o左D, 火候掌握未到家。煎釀豆腐太普通，未能擔當招牌菜之名，改改個傑達達芡汁，宜換Ｄ鮮味o野扯番起整個菜式。至於鮮奶炒帶子......可能期望過高，只屬自家作業貨色，味太淡，雪味有餘鮮味欠奉，最後要用欖菜炒豆角撈埋一齊食......竟然俾碟欖菜炒豆角跑出，奇怪!?是日都幾多人，好彩事前有book位，o吾係有排等。下次想試試坐戶外，係香港夜境下食食海風同西北風。