50
23
13
營業時間
星期一至日
10:00-23:00
付款方式
Visa Master AE 現金 銀聯 八達通 Apple Pay Android Pay
其他資料
酒精飲品
自帶酒水 詳細介紹
VIP房 詳細介紹
泊車 詳細介紹
電話訂座
加一服務費
海景景觀
Live Music
球賽直播
招牌菜
梅菜扣肉 鹽焗雞
食評 (90)
等級4 2009-05-18
101 瀏覽
執筆之時,尖沙咀的客家好棧,已由美麗華商場搬遷至彌敦道26號的東企業廣場三樓(近中間道),煩請openrice當局可以更新地址。從報章知道新鋪剛剛開張,趁出糧日請家人品茗一頓,沒有升降機的緣故下,要坐多趟電梯,上到去,地方頗大,其環境設計以致餐具,除針對家庭式和年青一族的消費群外,也有一些農鄉的色彩;和同屬稻香集團的「潮樓」一樣,一切茶芥、加一全免,夠實惠。點了多款點心,由於已知道是稻香集團中央廚房的出品,作為老主顧,其大路點心的味道算是意料之中,炸箭豬、叉燒包味道甚好,古法馬拉榚味道一般,馬拉卷勝在夠熱,不幸的是有兩隻蝦餃爆了邊,不太爽了。其實稻香集團品管不算太差,這一路店系,也有一些特色的點心,其家鄉茶果即叫即蒸,熱騰之餘,也有用青葉包著,一籠三款味道,甚有圍村的古風,另一道是銀杏鹹菜豬肚,和潮式的鹹菜豬肚相差無幾,但加了白果,豬肚很爽口,另外其胡椒上湯甚為香濃,知道晚市有布袋雞(豬肚雞?)供應,期待當中。臨尾來個單尾,三十八元一客的牛崧炒飯,碟頭甚大,從開放式的廚房中可以看到,肥仔師傅超卓的鑊頭功夫,加了鹹魚粒來吊味,建議少一點青瓜,好讓鹹魚香更搶,其蛋液兜得飯身甚為均勻,火侯之佳,有點接近電視劇集提到的「金鑲銀」。十道點心加上一個炒飯,承惠一百八十六元,還算相宜。覺得侍應人手少了一點,點心的平均價也比旺角的同集團略為提高,知道尖沙咀不比旺角,假日早市的客流量也較少,加上始終是新鋪經營,要點時間適宜,可以見諒。但有一點則不能原諒,就是其洗手間的設計,竟然是推開三度門才可到達,要一間那麼大的酒樓,其男廁只能同時容許一個人使用,入面只得馬桶一個,很難想像在繁忙的旺市,會發生怎麼樣的尷尬事...... 繼續閱讀
(以上食評乃用戶個人意見 , 並不代表OpenRice之觀點。)
等級2 2009-04-08
38 瀏覽
呢排咁多海嘯價, 有個朋友係新西蘭番左黎, 所以 23-Feb-09 同朋友去左客家好棧食晚飯. 真係有 $1 霸王雞食.當日就叫左下列食品.1. 霸王雞2. 欖菜肉末四季豆3. 士多啤梨蝦仁4. 鳯梨咕嚕肉5. 金銀蛋浸菠菜6. 蟹肉桂花炒粉絲7. 蟹籽珍珠賽螃蟹8. 客家煎釀豆腐$1 既霸王雞, 有理油唔點. 不過味道真係好普通, 如果係白切雞我估好食過佢. 至於欖菜肉末四季豆, 士多啤梨蝦仁, 鳯梨咕嚕肉, 金銀蛋浸菠菜 & 蟹籽珍珠賽螃蟹呢幾味就不過不失. 尤其是欖菜肉末四季豆夠惹味. 同埋鳯梨咕嚕肉甜酸味適中. d 肉質又炸得剛剛好.最差的是蟹肉桂花炒粉絲同埋客家煎釀豆腐, 前者乾左小小同埋賣相麻麻, 另到無咩食慾. 後者就淡而無味. 同埋 d 肉太小. 大家睇下 d 相, 係咪好小呢.跟住試左兩款甜品.1, 楊枝甘露2. 雪耳燉萬壽果反而兩款甜品我同我所有朋友都覺得唔錯, 唔係太甜, 又唔太淡.服務就真係差啦, 可能咁啱同個傳菜員講啦. 話其中一碗甜品有 d 野, 佢答, 菜渣黎之麻.... 我地 O 哂咀.. 不過佢都拎走換過碗黎.最後埋單, 用埋 DBS 信用咭 88折, 九個人每人$55 唔駛, 咁就真係幾扺食. 繼續閱讀
(以上食評乃用戶個人意見 , 並不代表OpenRice之觀點。)
等級4 2009-03-27
14 瀏覽
這一年,不想為生日張羅,但朋友都好有心,出來了. 因為上星期,整個星期都腸胃炎,所以特別開出難題---不油不膩不奶,最後M小姐選擇了客家好棧,雖不是我喜歡的店子,但正合我口胃!雖然已定了位,亦要等十五分鐘才入座.這天還是坐在室外,天氣清涼,很舒服呢. 一座下,朋友想叫四百捌的六人餐,但食物實在太多,所以最後只要了五個小菜.分別係蟹肉炒粉絲,介蘭炒牛肉,上湯香菇菜苗,籠仔蒸豆腐同一伩雞.最早上係一伩雞,size絶對值十伩,但味道真係值一伩. 蟹肉炒粉絲,唔知係唔係一早炒定,所以唔係好夠熱,蟹肉都幾多,食落都幾乾身,少油少師父,但個賣相好唔吸引,相信炒米粉都靚仔過它. 之後上兩個菜都好嫩,而且少油少鹽,正.係成晚的至愛.當然唔計牛肉,勁稔又無肉味,係蘇打粉的傑作.豆腐係整晚最淡的一個餸,豆腐面的海鮮同汁都無咩味道.但個豆腐好滑. 吃過正餐,朋友還要了桂花糕,同樣是淡淡的,總算為平淡的晚上畫上完滿的句號.多謝大家,百忙中還是抽空出來了… 繼續閱讀
(以上食評乃用戶個人意見 , 並不代表OpenRice之觀點。)
等級3 2009-03-24
9 瀏覽
在露台那邊用饍,不知怎的,看到周遭的環境和待應的裝束,都讓我有置身祖國的感覺。點了隻霸王雞,薑蔥太少,雞味不濃。三鮮骨髓,有菇,少量帶子、蝦,牛骨髓也ok多,清清淡淡。另外點了個鮮菇爆魚球,原以為會很惹味,事實不然,說得好一點就是很有住家風味,說差一點就是冇黎鑊氣!中上菜色的是味菜豬肚湯,胡椒夠多,味菜醒胃,豬肚也爽,十分都有七分。 繼續閱讀
(以上食評乃用戶個人意見 , 並不代表OpenRice之觀點。)
等級4 2009-02-07
1 瀏覽
昨晚與舊同前飯局,一行 14 人擠一張枱,非常親密地用餐。由於沒有看過餐牌,所以不知菜式名字,包括︰冇鹹味的鹽焗雞、浸泡到冇晒味的超甜梅菜扣肉、勁多骨但味道不俗的芥菜鯇魚、送飯一流,應該是用 XO 醬來炒的蜜糖豆蝦乾肉粒、鹹豆黃翠肉瓜肉片、超清淡,好多菇的雜菇煲!?翠肉瓜拼秀珍菇?西芹炒帶子珊瑚蚌、望落不太彈牙的炸蝦球和 15 砵有幾粒粟米鋪面的白飯。不知為何,幾乎每碟菜式都會有菇做配菜,不論是冬菇、鮮菇、草菇、磨菇、金菇等,隨處皆見菇影,非常盞鬼。 繼續閱讀
(以上食評乃用戶個人意見 , 並不代表OpenRice之觀點。)