更多
2019-03-19
2769 瀏覽
媽媽生日想食自助餐, 見呢間酒店做緊優惠, 星期日lunch buffet折後加一都係330蚊位, 其實媽媽食得唔係好多嘢, 有生蠔魚生食佢就已經好開心, 所以就揀咗呢度食物質素同選擇方面，我諗同夜晚應該都有一段距離， 不過以呢個優惠價嚟講算值回票價海鮮類唔算太多， 有生蠔，蟹腳， 蝦，翡翠螺，基本三文魚刺身等， 但總算新鮮唯一美中不足係生蠔比較細隻， 但明白午市自助餐仲有優惠嚟講不能要求太多熟食方面燒牛肉質素唔錯， 火候啱啱好比較有驚喜嘅反而係麵檔嘅喇沙👍驅使我第一次寫食評嘅原因， 係想表揚一個英文字母A嘅經理(openrice 不能出全名)話說因為用優惠價，生日冇蛋糕送， 餐廳只會幫你安排一個朱古力名牌當我出左去排左個靚靚甜品碟，打算放上"媽媽生日快樂"嘅朱古力名牌嘅時候， 一時大意嘅服務員姐姐， 已經將上咗五分鐘未夠嘅名牌當污糟碟咁收咗……當下真係有少少嬲咗😒同服務員反映之後， 佢哋應承幫我重做一塊，經理A先生仲登走過嚟同我講唔好意思面皮幾尺厚嘅我就打蛇隨棍上，問佢可唔可以安排個蛋糕仔氹下我媽媽開心😜其實我都係打定輸數， 如果唔得都唔會強人所難， 但經理A先生話試一試去完轉廁所返
食物質素同選擇方面，我諗同夜晚應該都有一段距離， 不過以呢個優惠價嚟講算值回票價
海鮮類唔算太多， 有生蠔，蟹腳， 蝦，翡翠螺，基本三文魚刺身等， 但總算新鮮
唯一美中不足係生蠔比較細隻， 但明白午市自助餐仲有優惠嚟講不能要求太多
熟食方面燒牛肉質素唔錯， 火候啱啱好
比較有驚喜嘅反而係麵檔嘅喇沙👍
驅使我第一次寫食評嘅原因， 係想表揚一個英文字母A嘅經理(openrice 不能出全名)
話說因為用優惠價，生日冇蛋糕送，
餐廳只會幫你安排一個朱古力名牌
當我出左去排左個靚靚甜品碟，打算放上"媽媽生日快樂"嘅朱古力名牌嘅時候， 一時大意嘅服務員姐姐， 已經將上咗五分鐘未夠嘅名牌當污糟碟咁收咗……
當下真係有少少嬲咗😒
同服務員反映之後， 佢哋應承幫我重做一塊，經理A先生仲登走過嚟同我講唔好意思
面皮幾尺厚嘅我就打蛇隨棍上，問佢可唔可以安排個蛋糕仔氹下我媽媽開心😜
其實我都係打定輸數， 如果唔得都唔會強人所難， 但經理A先生話試一試
去完轉廁所返嚟， A經理已經準備好一個生日小蛋糕， 仲特登等我返咗埋位之後先正式上畀我， 十分貼心❤
特別多謝呢位A經理， 因為呢個生日蛋糕，令我媽媽嘅生日更加美滿， 同媽媽唱生日歌切蛋糕嘅時候， 仲見到A叫人過嚟幫我哋揸機影相
完全feel到A係一個有heart嘅manager， 今時今日呢一種態度已經買少見少
希望李生或者酒店高層見到呢篇食評， 可以 識做，盡快加呢位經理人工😎
張貼