更多
2017-09-03
2059 瀏覽
http://hk.apple.nextmedia.com/news/art/20160629/19674416北角的港島海逸君綽酒店Harbour Grand Cafe懷疑食物中毒事件,衞生署衞生防護中心公佈再有32人受影響,累積人數增至74人,年齡介乎1至79歲,當局現正調查事件。涉事餐廳昨晚仍然營業,記者以顧客身份致電查詢,職員指部分食物已停售,包括懷疑涉事的刺身、龍蝦刺身及北京填鴨。幾咁希望尋日食lunch buffet之前有search 到呢單新聞,食完今次發誓以後唔再食自助餐。不嬲都唔係鐘意食自助餐嘅人,通常想食好野寧願食少啲食貴啲食啲有質素嘅食物,但兩條友心血來潮講想食自助餐講左幾個月,終於search下有咩優惠見有七折揀左呢間,就中伏了。我只係食左一輪凍盤 三隻唔可以話好新鮮嘅生蠔 兩隻有啲霉嘅蟹腳 兩隻蝦 三片三文魚,然後嗰三個鐘我就不停遊走於廁所同自己張枱,瀉到好似俾人落左瀉藥一樣。返到用餐區見到生蠔同魚生都反胃,之後一啲野都食唔落,只係可以飲齋啡同食少少甜品,再講熱食種類少得非常可憐,除左個牛有少少吸引力,其他根本似隨便用黎充撐場面。可能應該一黎就食好期待嘅各種m
http://hk.apple.nextmedia.com/news/art/20160629/19674416
北角的港島海逸君綽酒店Harbour Grand Cafe懷疑食物中毒事件,衞生署衞生防護中心公佈再有32人受影響,累積人數增至74人,年齡介乎1至79歲,當局現正調查事件。涉事餐廳昨晚仍然營業,記者以顧客身份致電查詢,職員指部分食物已停售,包括懷疑涉事的刺身、龍蝦刺身及北京填鴨。
幾咁希望尋日食lunch buffet之前有search 到呢單新聞,食完今次發誓以後唔再食自助餐。不嬲都唔係鐘意食自助餐嘅人,通常想食好野寧願食少啲食貴啲食啲有質素嘅食物,但兩條友心血來潮講想食自助餐講左幾個月,終於search下有咩優惠見有七折揀左呢間,就中伏了。
我只係食左一輪凍盤 三隻唔可以話好新鮮嘅生蠔 兩隻有啲霉嘅蟹腳 兩隻蝦 三片三文魚,然後嗰三個鐘我就不停遊走於廁所同自己張枱,瀉到好似俾人落左瀉藥一樣。返到用餐區見到生蠔同魚生都反胃,之後一啲野都食唔落,只係可以飲齋啡同食少少甜品,再講熱食種類少得非常可憐,除左個牛有少少吸引力,其他根本似隨便用黎充撐場面。可能應該一黎就食好期待嘅各種movenpick 雪糕,真可惜,因為我相信唔係佢廚房預備嘅食物,一定可以安心被食用。
結果比較強壯嘅另一人兩個鐘後都一樣屙。我諗啲食物要有返咁上下污糟先會令人食左半個鐘就想上吐下瀉。堂堂一間掛住海逸個名嘅酒店啲食物質素竟然咁差,曾經搞到七十四人食物中毒但一年後都仲敢推啲唔新鮮嘅食物出黎? 好唔好意思?
Ps, 廁所水壓差到一點,試過有三四個人同時沖水就即刻無水。啲食物咁唔新鮮如果有好多人同時要瀉......
張貼