影片
更多
2023-10-23
356 瀏覽
尋日同男朋友行完寵物商店，又行吓金魚街之後，大約7:30有啲肚餓，就去搵嘢食。琴日成日個心都想食車仔麵😌，所以行吓行吓，見到16座就去試試。其實食飯時間但喺門口見到得兩個人，都驚驚地，但心諗又真係好想食車仔面麵同埋呢間嘢都聽過吓，就是但啦試吓啦。入到去選擇困難症左一輪🧐，最後揀咗最原始既自選三餸車仔麵，要咗大腸、陳皮魚蛋同埋魚肚扒，豬骨湯底大辣配米粉。而男朋友要咗餐牌推薦既雞翼，魚肚扒同金沙青，麻辣湯底大辣配粗麵。等咗唔夠兩分鐘，哈！好快就有嘢食。第一眼我就覺得好少餸，試吓個湯，WHAT！勁咸😕仲好化學辣🤬我呢啲辣妹食開辣既一食就知呢啲辣好人工化！唔係天然！我男朋友嗰碗一樣又少餸、味又勁假、勁咸，最搞嘢係個粗麵好似無煮過咁，勁硬！仲食到入面有麵粉！多謝晒😩啲餸質素只有隻雞翼好啲，其他都好唔掂。魚蛋死實實可以掟死人，豬腸炆唔腍，個所謂嘅魚肚扒即係大塊啲既沙爆魚肚，正常應該係琳琳滑滑，但係佢係爽口嘅，口感好古怪🤪我哋仲每人要咗一支嘢飲，但係嘢飲提唔提都罷啦！我男朋友飲齋啡，我呢就要咗支咩新鮮鮮榨濃縮檸檬茶，個茶底唔靚就預咗，仲要又苦又澀🤢，好難飲😑最後埋單承惠$150，貼錢買難受☹️點解？因
琴日成日個心都想食車仔麵😌，所以行吓行吓，見到16座就去試試。其實食飯時間但喺門口見到得兩個人，都驚驚地，但心諗又真係好想食車仔面麵同埋呢間嘢都聽過吓，就是但啦試吓啦。
入到去選擇困難症左一輪🧐，最後揀咗最原始既自選三餸車仔麵，要咗大腸、陳皮魚蛋同埋魚肚扒，豬骨湯底大辣配米粉。而男朋友要咗餐牌推薦既雞翼，魚肚扒同金沙青，麻辣湯底大辣配粗麵。
等咗唔夠兩分鐘，哈！好快就有嘢食。第一眼我就覺得好少餸，試吓個湯，WHAT！勁咸😕仲好化學辣🤬我呢啲辣妹食開辣既一食就知呢啲辣好人工化！唔係天然！我男朋友嗰碗一樣又少餸、味又勁假、勁咸，最搞嘢係個粗麵好似無煮過咁，勁硬！仲食到入面有麵粉！多謝晒😩
啲餸質素只有隻雞翼好啲，其他都好唔掂。魚蛋死實實可以掟死人，豬腸炆唔腍，個所謂嘅魚肚扒即係大塊啲既沙爆魚肚，正常應該係琳琳滑滑，但係佢係爽口嘅，口感好古怪🤪
我哋仲每人要咗一支嘢飲，但係嘢飲提唔提都罷啦！我男朋友飲齋啡，我呢就要咗支咩新鮮鮮榨濃縮檸檬茶，個茶底唔靚就預咗，仲要又苦又澀🤢，好難飲😑
最後埋單承惠$150，貼錢買難受☹️點解？因為我地兩條友食完個胃同肚即刻揦住，去咗兩次廁所🚽呀😒😒到第二日都仲係咁😒
呢間嘢係咁先啦👋
化學工業辣
23 瀏覽
0 讚好
0 留言
張貼
