瀛豐放題料理專門店 (已搬遷) 新店位置

難得同同事放工食飯，同事見新開張，於是諗住試試。加88蚊可食生蠔生啤，諗住唔錯，其實食物係唔錯，但最難忍係服務態度唔得。7點入坐，話食2個鐘，食到8點2就話埋單last order，我地諗住埋單無所謂，反正都要俾，而且都落左單等食。食到8點半竟然話要還枱，仲話俾多左半個鐘我地，我地話放工過來都7點，點解8點半要我地走，兩個鐘係點計呀？而且啲食物仲未來齊。個服務員竟然話我地埋單前應該查下有咩漏單，要我地應該追喎，用手機上網落單諗住唔會漏單啦，點知仲差過用紙仔，漏單都唔緊要，但唔好話個客點解唔追……好少俾劣評，服務差，真係無下次。