影片
更多
2022-11-11
25 瀏覽
初嘗新加坡菜式，係香港好少見。特登嚟到銅鑼灣呢度體驗下。餐廳離銅鑼灣地鐵站大概5分鐘路程。裏面既形式係全自助供應，水同醬料都係任意添加。係出面點餐後，店員會俾電子牌你提示取餐，相當方便。辣椒麵粉粿 $88粉粿既形狀好得意，好似千層麵嘅感覺。上面鋪滿左肉碎、蔥花、再加一隻蛋撈埋食。入口係辣辣地，有少少蔥油味。認真惹味。板麵（乾）$68板麵原來係一條條闊麵，材料有菇、蝦米、肉碎、蔥花。撈埋一齊入口，覺得好香，脆蝦米提供左口感同埋充滿鮮香味。以寬面都好彈牙。成個面嘅感覺好夠味。喇沙半米粉半油麵 $98材料有豆卜、蝦、魚蛋、魚片。特別之處就係可以米粉油麵兩溝一齊食。除左口感新穎之餘，湯底都好濃郁。咖椰爆漿多士 $68呢個就係今日既主菜！係用三塊麵包夾埋一齊。第一層有牛油、咖央：第二層有花生醬、煉奶。表面果層就鋪咗好厚既可可粉。超級邪惡！但都要食！印度薄餅配咖喱（加雞）🐔$78 + $30咖喱有好重既椰香味，而雞係用咗炸雞鎚。印度薄餅同埋咖喱絕對係完美嘅搭配。冇得輸。辣椒螃蟹🦀️醬配炸饅頭 $98炸饅頭有六個咁多！螃蟹醬似係咖喱，但蟹肉多過醬！炸饅頭外脆內軟，加上呢個螃蟹醬食真係好有衝擊。除左醬之
初嘗新加坡菜式，係香港好少見。特登嚟到銅鑼灣呢度體驗下。餐廳離銅鑼灣地鐵站大概5分鐘路程。裏面既形式係全自助供應，水同醬料都係任意添加。係出面點餐後，店員會俾電子牌你提示取餐，相當方便。
辣椒麵粉粿 $88
粉粿既形狀好得意，好似千層麵嘅感覺。上面鋪滿左肉碎、蔥花、再加一隻蛋撈埋食。入口係辣辣地，有少少蔥油味。認真惹味。
板麵（乾）$68
板麵原來係一條條闊麵，材料有菇、蝦米、肉碎、蔥花。撈埋一齊入口，覺得好香，脆蝦米提供左口感同埋充滿鮮香味。以寬面都好彈牙。成個面嘅感覺好夠味。
喇沙半米粉半油麵 $98
材料有豆卜、蝦、魚蛋、魚片。特別之處就係可以米粉油麵兩溝一齊食。除左口感新穎之餘，湯底都好濃郁。
咖椰爆漿多士 $68
呢個就係今日既主菜！係用三塊麵包夾埋一齊。第一層有牛油、咖央：第二層有花生醬、煉奶。表面果層就鋪咗好厚既可可粉。超級邪惡！但都要食！
印度薄餅配咖喱（加雞）🐔$78 + $30
咖喱有好重既椰香味，而雞係用咗炸雞鎚。印度薄餅同埋咖喱絕對係完美嘅搭配。冇得輸。
辣椒螃蟹🦀️醬配炸饅頭 $98
炸饅頭有六個咁多！螃蟹醬似係咖喱，但蟹肉多過醬！炸饅頭外脆內軟，加上呢個螃蟹醬食真係好有衝擊。除左醬之餘仲食到蟹肉嘅口感。
美祿爆炸 $58
好多可可脆脆，仲有美祿餅乾。入口唔會太甜，仲有好濃厚嘅朱古力味。
仙草豆漿 $28
甜度可以自己選擇，而我哋揀咗少甜。豆漿味濃，估唔到同仙草都可以咁夾。
總括而言，餐廳面積夠大，有圓檯/方檯任意坐。而食物既份量相當足夠！餐單種類主食到甜品既選擇都好多！上餐又夠快！無論係午餐or晚餐都可以係首選！
張貼
