龍鳳呈祥火鍋雞煲 ❣️龍鳳呈祥係一間以懷舊香港為主題的雞煲邊爐。門面已經有霓虹招牌燈💡裡面裝潢擺設具有香港七八十年代風格😌而且仲播放着好多懷舊金曲。最顯眼係龍鳳聯婚場景，大家可以攞姓氏牌掛上去作聯婚😆到處都係紅噹噹雙喜🏮，氣氛喜慶洋洋。店員首先會送上醬料添加，當然不夠可以繼續加。餐牌有多款雞煲、邊爐、配菜選擇，當然都可以一煲兩味🤤 🌟鹹蛋黃雞煲🐔 半隻 有大量配菜，炸枝竹、竹筍、洋蔥。咬落雞肉帶有鹹蛋🥚黃的莎莎口感，鹹香味出色，雞肉鮮嫩。辣度🔥有微、小、中，就算唔係好食得辣嘅朋友都可以選擇微辣，帶出惹味。 🌟牛肉拼盤🐮 細 可以食到多款牛的不同部位。有牛舌片、手切牛肉、牛胸油、牛肉粒、雪花肥牛🤗手切牛肉厚度剛剛好，脂肪少牛肉味出色。雪花肥牛入口油脂豐富。牛肉粒非常有咬口，肉味濃。 🌟雜菜拼盤 極度推薦！豐盛的雜菜拼盤，超多蔬菜🥬有心型蘿蔔❤️、金針菇、蓮藕、淮山、木耳、蕃茄、娃娃菜。 🌟五香肉丁餃子 外皮厚身，淥幾耐都保持著原型👍🏽豬肉味出眾，帶有超輕微辣味。 🌟脆肉鯇魚腩 厚度剛剛好。大概淥30秒就食得。爽脆口感，肉質鮮嫩鮮甜😜 🌟鹹檸汽水🥤 超大懷舊膠杯裝住鹹檸檬同埋冰。汽水可以揀七喜、可口可樂、zero。根據喜愛的鹹度捏碎鹹檸檬😜 ❣️總括而言，食物高質，一雞兩味。周圍都可以打卡之餘。店員親切有禮，會主動過嚟加湯。9點後仲有75折，真係超級抵食！

孖寶車仔麵 ❣️車仔麵係🇭🇰香港特色，呢間位於葵廣的老店車仔麵檔人流多，裝修都好懷舊風味。鋪面看似不大，其實內有乾坤😆，入到好入面依然有好多位置坐。Menu可以選擇自己喜好的餸菜，如果有選擇困難症，好似我咁可以揀招牌車仔麵。仲有多款香港經典小食可以選擇。 🌟招牌孖寶車仔麵 用懷舊雞公碗😇米粉多，餸又多。有魚蛋、豬皮、雞翼、豬紅、蘿蔔、豬大腸。 呢度有免費提供菜脯，有辣同唔辣，加幾多都得。香辣菜脯我覺得辣度可以接受，加係麵度更加惹味。而d辣椒醬都係香而少辣。 🌟燒賣腸粉魚蛋 1⃣️燒賣有彈性，唔係麵粉口感，有魚肉味！ 2⃣️魚蛋充滿好香的果皮味，而且相當彈牙！ 3⃣️腸粉好滑，而且係多醬料仲有芝麻！ ❣️總結，親民地道香港美食，分量多，價錢合理。呢度既燒賣腸粉魚蛋絕對可以再encore。

喜來稀肉 ❤️‍🔥銅鑼灣鬧市中的韓國餐廳喜來稀肉🥩係同朋友飯聚的好地方，內裡寬敞舒適。好大既賣點係前菜小菜無限量供應，包括生菜🥬都係免費的！呢度既泡菜有別於傳統的風味，偏甜不缺乏香辣味，搭配肉類相當夾。 🌟牛五花🐮$158 150g 🥩薄切牛五花燒十秒就熟。醬汁入味，油脂出色，薄而有口感👍🏽 🌟牛護心肉 $158 150g 豬護心肉🫀就食過，今次試下牛護心。外表已經同豬唔同。雪花紋比豬多，唔係好似豬咁要well done先可以食，燒到7成熟放入口牛味超重，帶有油脂味，唔會入口即溶，好有口感。 🌟牛舌 $158 150g 薄切牛舌，火候好控制。每邊10秒就可以入口。就算唔洗醬汁調味，都好好味，肉味重。 🌟韓豚五花肉 $180 150g 🐽五花肉有幾大塊，份量多。燒到表面金黃色可以剪開🥬鍾意的可以再煎香逼d豬油出來，搭配泡菜蒜片係標準韓國食法👍🏽👍🏽 💫總括而言， 呢度既無限量供應前菜拌菜性價比好高。一個人300蚊左右就可以食到高質韓牛。店員仲好主動幫我地換鐵板、加蛋漿。除了肉類之外，呢度仲有其他主食，例如飯、麵、湯、小菜，包羅萬有。

❣️日式小店初見在荃灣而家都有分店啦！屬於街坊小店，親民價錢。餐廳檯凳寬敞，坐得都幾舒服。餐牌食物種類繁多，有招牌石板烤肉🍖、鍋物，仲有壽司🍣、拉麵🍜、炸物等。8點後仲有88折！真係好抵食。 🌟 初見香草吉列牛（配白飯）$138 必點菜式🤤石板燒既好處可以根據自己的喜好燒幾成熟。周邊是吉列脆脆，咬落有口感，而且仲有香草味🌿。套餐搭配珍珠米流心蛋。 🌟 安格斯牛肉鍋(味噌湯配白飯）$88 可選擇多/少飯🍚。牛肉肥瘦剛好，不過太肥。部位選擇得好適合打邊爐🍲。味增醬汁十分出色，大豆味濃又不會過鹹。雜菜份量啱曬我呢d細食的女孩子，唔會浪費。 ❣️總括而言，位置舒服，味道不錯，性價比高。無論是石板燒或者鍋物都好適合而家寒冷天氣☺️

沾仔記麵食 ❣️老字號麵店沾仔記位於熱鬧地帶廟街😏主打雲吞等麵食，屬於香港地道美食。店面充滿香港風情。店員姐姐哥哥好客有禮。 🌟蜆蚧鯪魚球🐟（3粒）$30 鯪魚球好大粒！魚肉結實，超級彈牙！而且冇乜骨刺。沾上鹹香蜆蚧醬，帶有少少🤏酒味。蜆蚧好大粒， 🌟甜酸炸雲吞🥟（3粒）$30 雲吞肉多，食到有兩粒蝦🦐。外脆內軟，咬落勁juicy。加埋甜酸醬真係冇得輸😆 🌟鮮牛肉+鮮蝦雲吞蝦籽撈麵 $46 蝦籽撈麵超級大碗，蝦籽量多得驚人😆啖啖蝦籽啖啖麵。麵🍜的質感好彈牙，唔會有霉味。加點紅醋凸顯出蛋🥚的香味。鮮牛肉🐮&雲吞伴著韭黃湯上。牛肉嫩滑份量多。雲吞好大粒，皮薄肉厚。 ❣️總括而言，性價比超高。份量多，味道正，價錢相當親民。仲可以外賣生雲吞，鯪魚球。

繼 Omakase ❣️繼位於荔枝角D2 place two 的日本餐廳🍴。入面分開不同部分，除了有壽司之外，仲可以鐵板燒，兩樣一齊食都得。lunch 仲有全單88折超級抵食！店員都幾有禮貌，不過師傅就好cool😼 🌟白子刺身 $100 喜歡吃白子的朋友絕對不要錯過😏呢度的白子非常新鮮，唔會有腥味👍🏽仲有三大嚿咁多，絕對是重點推介。搭配了醋、醬油、蔥入口，溶化在口中🫠 🌟Omakase 10盛 $490 當然一開始不少得茶碗蒸🥚各款魚生壽司不過不失，冇乜特別🤔️味蕾冇乜衝擊。師傅會徵詢飯多還是少以及夠唔夠味。壽司飯溫度較冷，而且一夾就較容易鬆散🥹最出色係中toro蓉🐟手卷，裏面的蔥帶出中toro的油香，又唔會膩。

❣️Lamees是一間充滿著異國色彩的中東餐廳。不論環境裝飾🎍音樂🎵都帶著浪漫情懷。餐廳雖然不大，但五臟俱全，要記得book位。餐廳用了掃QR code 睇菜單，既環保又方便🫶🏽Menu有頭盤至甜品🍮，又有中英對照。美女店員姐姐都會解釋每一道菜的材料和食法👍🏽 🌟百里香芝麻餅🫓 有著濃郁的芝麻香味，帶著淡淡百里香味。咬落香脆可口🤤 🌟有機小扁豆湯伴脆餅和檸檬 中東經典湯品，有著金黃色🪩的外表。入口扁豆味濃郁，配上洋蔥🧅、檸檬🍋、辣椒🌶️，味道更有不同層次，非常適合冬天飲。 🌟 香煎西班牙羊肉香腸佐零酒精紅酒汁 相當出色的頭盤🐑 紅酒汁酸酸甜甜，洋蔥香料味帶出羊肉味。羊味濃郁既不會太羶，就算唔食羊既朋友都不妨試下😉 🌟 澳洲天然草飼羊肉粒串🐑 有兩串大粒羊肉，底下仲有一舊小炭保暖。咬落裡面超juicy，肉質細膩嫩滑，完全冇overcook。一口羊肉一口洋蔥，味蕾十分衝擊🤭 🌟蜜棗蛋糕伴雲呢嗱雪糕和脆餅 雪糕脆餅本就是完美的搭配，加上蜜棗蛋糕的加持。令口感更加有層次。

❣️位於荃灣廣場的親民燒肉店，燒肉801在香港都有幾間分店。距離荃灣西地鐵站5大概5分鐘路程，都幾方便👍🏽店鋪裝修紅噹噹好耀眼✨落單形式以QR code自助。餐牌選擇種類繁多，豬牛雞海鮮都有。晚市套餐都幾抵食，可搭配白飯/生菜🥬韓式泡菜。唔夠食可以散叫加肉😸而價位都好親民🫶🏽 🌟 805黒毛和牛盛り(150G)$323 ✨黑毛和牛小排🐮 牛小排一向人氣高，而和牛小排更加細緻柔嫩。油脂含量剛好😍雪花紋路比例均勻。就算係厚切肉質都係好軟熟😙 ✨黑毛和牛肩胛肉 入口即溶，帶有豐厚的油脂味，又不失牛的鮮嫩口感😇 🌟 806盛り(150G) 👅$98 分別有鹽燒🧂&醬油兩種口味，燒完都唔洗加調味料直接食。燒大概每邊10秒就可以入口即溶😛 ⭐️ 804炎盛り(150G) $88 ✨腹前牛小排 就算係普通牛小排都不會令人失望，性價比好高。 ✨蔥鹽味雞腿肉🍗 雞肉厚度剛剛好，蔥鹽味十足。唔洗調味都咁鮮嫩。 ⭐️ 301黑毛豚無骨小排 🐷$68 黑豚五花厚切，油脂相間豐富，肉質又冇羶味。加埋泡菜🥬生菜食，肥而不膩。 💫總括而言，餐廳坐得舒服，位置方便。 抽風系統做得不錯，唔會殘留太重燒烤味。店員親切有禮。肉的質量不錯，價錢都親民，CP值幾高👍🏽

泰玖是在荃灣廣場附近的泰國菜🇹🇭餐廳裝潢工業風，地方寬敞，有兩層，地下仲有吧台😎菜單款式繁多，頭盤、海鮮應有盡有。自助掃QR code落單，方便快捷😗 芒果活性乳酸菌思樂冰🧊 芒果味+益力多味🍼。兩個味道又出奇地夾，食住辣嘢再飲即刻可以解辣 豬肉生菜包🥬 生菜🥬好大塊，豬肉辣度&酸度剛剛好。呢度既生菜包有埋炸豬皮。一道完美開胃頭盤 金磚蒜蓉包🍞 好大份，帶有濃厚牛油味🧈 🌟黃咖哩炒軟殼蟹🦀️ 軟殼蟹配黃咖喱真係相當不錯，應該有兩隻蟹仔咁多！ 🌟馬拉盞炒椰菜苗🥬 份量大，呢度既馬拉盞是甜辣，非常特別 ❤️‍🔥總括而言，泰玖CP值高。份量足。除了晚餐之外，亦有做午市套餐，價錢相當親民。

亞參雞飯 ❤️‍🔥閒日將軍澳中心地段午餐時間都不算太多人，見到呢間海南雞飯🐓唔洗等位就好快坐左入去😋地方頗大，又係open area。餐牌可以選擇lunch set同埋單點。自己掃QR code點左個招牌無骨海南雞飯套餐，轉雞髀➕25HKD。 🌟招牌無骨海南雞髀飯套餐➕ 薏米水 首先個賣相不太吸引🤣d雞有d甩皮甩骨。搭配三個海南雞經典秘制醬汁，雞油椰香飯➕ 冬瓜清雞湯。雞飯入口唔會太膩，食到微微的斑蘭味🫒搭配濃味醬汁海南雞，恰到好處。雞湯🐔係清清地，唔會有重味精味。雞肉鹹度剛剛好👍🏽點埋酸酸甜甜醬汁就幾好味。但雞髀黎講入口唔算太嫩太滑🤏有少少柴。 🎃總括而言，性價比不高，埋單125HKD，值得一提的是呢度係免加一。但相對一個海南雞飯同質素黎講比較貴，唔係太親民。 📍亞參雞飯 (PopCorn) (將軍澳) 將軍澳唐賢街9號PopCorn 1地下G05-06號舖