影片
港鐵銅鑼灣站 F1 出口, 步行約4分鐘
繼續閱讀
電話號碼
92687393
開飯介紹
這新加坡菜餐廳主打麵食，也供應大眾喜愛的傳統料理。店內以白色做主調、木材及綠植圖案等元素，打造簡約休閒風格的用餐環境。
繼續閱讀
營業時間
今日營業
12:00 - 22:00
星期一至日
12:00 - 22:00
*截單時間: 21:15
以上資料只供參考, 請與餐廳確認詳情
有關獎賞計劃
有麝自然香，朋友介紹銅鑼灣一間樓上鋪的新加坡fusion菜，今日同老細真金白銀比錢去食，果然無令人失望！ 雲吞配喇沙忌廉醬：一上枱就聞到濃郁椰香，蟹肉餡飽滿，醬汁似咖哩，但更溫和，帶點南洋風情，食落好滿足。 叁岜蟹肉炒飯：鑊氣十足，飯粒乾身分明，蟹肉份量慷慨，叁岜醬微辣惹味，每一啖都食到鮮甜同香辣，好過癮！ 咖啡排骨：賣相黑黝黝，但一入口就知有驚喜。醬汁甜中帶甘，咖啡香慢慢滲出，排骨肉質鬆化，食多幾件都唔覺膩。 叁岜醬炒通菜比普通馬拉盞更豐富，鹹香帶辣，仲有淡淡甜味，通菜爽脆，一碟轉眼清晒。 老闆娘好熱情，見我哋對醬料有興趣，仲特意介紹佢哋自家研發的醬汁，話遲啲會推出市面。果然正宗新加坡人手藝，連醬料都咁講究，值得期待！ 呢間樓上鋪雖然唔起眼，但食物質素高，味道正宗又有心思，絕對會再嚟幫襯！（唔記得留返張收據……）
繼續閱讀
第二次食呢間餐廳， 熱量爆炸，印象中有啲餸都還可以嘅，所以再嚟幫襯多次！ 等位/入座： Openrice 訂左位， 唔使等。 平日夜晚七點，感覺上都唔係好多人。 環境： 空間闊落，燈光都好光猛。不過要上一層樓梯先會去到餐廳。 落單/上菜：QR code落單，上菜都算係正常速度。 食物： 燕麥蝦，$188。之前喺新加坡嘅熟食市場已經食開，真還原風味。 不過當然比起新加坡食嘅時候貴啦。 五六隻蝦，賣將近200蚊，自己衡量下。 咖啡骨，$128。 佢應該咁多度餸入面，甜得黎唯一苦到尾。係特別嘅，不過未必係特別到你會想食第二次第三次。 辣蟹肉忌廉醬蛋麵配大蝦，$178 。 你唔講入面又有蟹肉，我係唔會知道。因為佢係有配兩隻大蝦，但菜單冇寫。 味道好食的， creamy但唔油膩。 咖椰爆漿，$68。食呢個就真係考驗友情嘅時候，你真係要同friend share。因為望住啲牛油你係會死的，入邊仲有咖央醬不得了。美祿爆炸，$58 。 反正都係熱量地獄，唔爭在啦。 甜甜甜甜甜，喜愛甜到嘅人會愛死佢。 用餐時間：七點食到九點半。 冇人趕你走，亦都唔係太多人。 總結：適合聚餐分享嘅餐廳。 cp值唔高。好食不過偏甜。 唔鍾意甜嘅朋友，就唔好點甜嘅飲品，否則你食嘅餸又係甜飲嘅都係甜。
繼續閱讀
呢度菜式有特色，我哋試咗幾樣嘢。首先講下 Bandung Dinosaur，呢杯飲品色彩繽紛，口感甜美。而 Pandan Milk Tea更加有獨特嘅香味，飲落去好順滑。Lime Juice就係一個好清新嘅選擇，酸酸甜甜。接著係 Ngoh Hiong，外脆內嫩，香料味道十足，咬落去有層次感。Chicken Satay，雞肉串燒得剛剛好，配上花生醬，味道香濃，啖啖肉質鮮嫩，真係惹味。Chilli Crab Sauce with Mantou，呢個組合真係非常吸引！呢個醬汁非常美味，加上炸得金黃酥脆嘅 Mantou，一齊享用非常過癮。最後，Salted Egg Pork Ribs，豬肋骨有濃郁嘅鹹蛋黃醬，好香口。
繼續閱讀
A.T.A.S 🥄@atas_hkA Taste Above Shiok「ATAS」喺個新加坡術語，有「高級」嘅意思🇸🇬 而新加坡人老闆卻以「a taste above shiok」重新定義，而shiok都係Singlish，喺一種「好爽」同「好正」嘅感覺🤓講到星加坡美食，辣椒炒蟹絕對係必提嘅經典之選🦀 但對於懶人嚟講，成日都覺得剝蟹殼又煩又污糟🤌🏼 餐廳一系列進化版招牌菜🎖️ 將辣椒蟹嘅靈魂味道，完美融入唔同小食同主菜入面🌶️奶油麥片老虎蝦🦐嗰層鹹蛋黃醬真係炒至起沙，香濃到不得了🟠 首先一定要吸晒殼外面嘅醬汁，唔想浪費每一啖！至於拆殼方面，由於老虎蝦已經劏開，完全唔使擔心麻煩，刀叉輕輕一撩就可以成隻蝦肉拎出嚟🍴 完全唔需要擔心拆殼會搞到成手油膩🫳🏽辣椒蟹肉醬炸蛋🍳底層係煎到啱啱好嘅蛋，外層金黃香脆，入面仲保留住少少嫩滑嘅質感🍳 而精華就係淋滿晒個蛋上面嗰層辣椒蟹肉醬！用咗超多鮮甜蟹肉，再拌炒咗多種香料，辣度啱啱好，香辣帶微甜，好有層次🌶️ 完全冇搶走蟹肉嘅鮮味✨ 整體feel 有啲似亞洲版嘅煎蠔餅，但係更加高級同濃味🦪Wanton in Laksa Cream Sauce👝呢道菜用咗東南亞嘅叻沙味，加上意式嘅雲吞風格，食落充滿驚喜🇮🇹雲吞外皮薄得嚟夠煙韌🫓 入口帶有意式雲吞嘅精緻感。餡料紮實豐富，食到一絲絲嘅蟹肉🦀 叻沙忌廉醬微辣中帶有椰奶香氣，再加上醬汁嘅濃稠度，能夠完全包裹住每一粒雲吞👌🏽叁岜蟹肉炒飯🍘叁岜醬嘅香辣勁濃郁，炒飯口感有啲似糯米飯，飯粒煙煙韌韌🤏🏼 啖啖都食到炒飯入面嘅蟹肉絲，而上面嘅蟹肉絲同蟹膏更加提升咗整碟嘅鮮味同豐富度🌊Milo Explosion🦖超濃嘅Milo再豪邁咁鋪上厚厚嘅美祿粉，傳統嘅美祿恐龍已經夠濃郁而呢個升級版嘅再鋪上滿滿嘅Cocoa Puffs同朱古力餅😈 飲嘅時候用湯匙輕輕攪一攪，飲落口嘅時候先係液體，再嚼到乾粉同脆口puffs嘅口感👻 飲落夠晒濃郁，啱晒食埋濃味主菜後嚟一杯，中和一下辛辣嘅味道😙Pandan Milk Tea🧋以奶茶味為主調，香甜中帶有淡淡嘅斑蘭香氣🌿 斑蘭輕輕點綴，係淡淡地喺尾韻度透出嚟，簡單而不失特色😌
繼續閱讀
一早想食呢間嘢好耐，餐廳入圍左2024開飯熱店，原來真係幾好食！餐廳裝修簡單清新，我揀咗靠窗邊嘅枱，一邊望住外面嘅景一邊嘆嘢食。🔹辣椒蟹忌廉醬意大利蛋麵CHILLI CRAB CREAM SAUCEPAPPARDELLE with prawns @ $128成個闊粉沾滿晒辣椒蟹醬汁，成個醬汁充滿奶香，蟹肉口感煙靭，帶點辣味超開胃🤤。🔹Pandan Milk Tea @$25.0斑斕奶茶，叫咗少甜，清爽解渴，淡淡嘅斑斕味帶出濃郁嘅奶味！🔹咖椰吐司🍞 Kaya Toast @$38呢個甜品好邪惡👿，每一嚿都夾滿糖漿同牛油。
繼續閱讀