鍋霸吃到飽台式養生火鍋 (莊士倫敦廣場)

營業中

休息中

去香港高鐵接國內朋友，一見已經傾唔停，想起去莊士倫敦廣場6樓「鍋霸吃到飽台式養生火鍋 」就啱晒，全店大部份卡座位又大又寬闊，坐得好舒服。最緊要冇時限放題，有三款價格可選♥我哋選了中間價錢$408放題，包括了任食Prime Grade安格斯牛頸脊、西班牙伊比利亞黑毛豬、Prime Grade美國安格斯肥牛、西班牙無激素豬肉片；16款不同以藥膳、養生、麻辣、蕃茄的湯底；超多選擇！一坐低，店員即上自家ShakeShake鹹蛋黄魚皮配四款味粉(海苔/芝士/梅子/ 香辣）比你口痕好住先。呢個價錢任食prime grade 安格斯牛頸脊及安格斯肥牛真係正，肉質軟嫩又有牛香湯底點了藥膳椰子雞及養生姬松茸雜菌鴛鴦涮鍋，清甜滋潤。海鮮方面，海蝦爽滑夠新鮮甜美，仲有好大件花膠片、鮮甜帆立貝、爽脆嘅白鱔片都唔錯。最鍾意呢到嘅自家製四季春冷泡茶、桂花烏龍冷泡茶、台灣黑糖冬瓜檸檬茶、烏梅山楂茶的飲品🍸最後仲食 Haagen-Dazs 雪糕做甜品。