大紅袍火鍋料理

營業中

休息中

今次我地去左荃灣呢邊行，之前幾次去開荃灣廣場果頭，今次黎左荃新天地呢邊，行完荃新天地過黎百悅坊呢度打邊爐岩岩好🔥餐廳非常之大，坐位都好闊好舒服，梳化位仲放有枕頭比客人用，紙巾，火鍋用具都一應俱全，開位有前菜$20，同埋醬料費$15😉椰子雞湯底（$168）呢個椰子雞湯底好鬼犀利，有兩大個新鮮椰子同埋半隻鮮雞送上，比客人自己親的倒入湯，湯底好味清甜🥥新鮮炸腐皮（炸響鈴）拼紫菜炸響鈴（$70）呢度好在有d食物可以雙拼，我揀左響鈴雙拼，自己新鮮炸，辣熱熱又酥脆👍🏻安格斯牛頸脊（例）（$278）牛頸脊有分例牌同大，例牌已經好大碟，d牛唔算好簿切，紋理好好，有小部分多肥d，大部分都係平均肥瘦，牛味夠濃🥩珊瑚蚌（$118）珊瑚蚌大大塊鮮橙色，淥幾淥就食得，入口鮮味爽脆😋潮州牛筋丸（半份）（$48）呢隻牛丸真係平時食一咬裡面爆汁既潮汕牛丸，仲要好彈牙，好好食，下次應該要叫夠一份🐮（半份）韭菜餃（$40）韮菜餃皮簿餡鮮，size算大，係有d偏咸，唔洗點豉油都可以🥟皇帝菜（$45）籃皇帝菜幾翠綠，靚菜🥬泡飯（$40）我見主食有個泡飯幾特別，佢係配上炸蒜，芫茜，蔥花，雞蛋比你自己整，我叫既椰子雞好適合做泡飯