鬼混 (已搬遷) 新店位置

今日收左工約左閨蜜行街食飯，黎到位於銅鑼灣既商業中心，全層都係有好多鬼混混既野，奇怪得黎又好有趣，有好多打卡熱點比大家可以黎打卡。剛好旁邊有間餐廳，一於試試佢！首先我叫左杯白朱古力抹茶沙冰，香濃既白朱古力唔會太甜，最岩怕肥一族，另外抹茶味都好香濃，一定要試試。跟住叫咗個紫薯飯配香煎帶子，食落偏甜小小，而且好creamy，味道好特別！跟住閨蜜就叫咗個雙色蟹粉米仔粉，係有分兩層既，黑白無常，口感煙煙銀銀，非常彈牙，而且味道仲好好添。最後我地叫多個小食，鬼混番薯條配海苔粉，材料係選用左新鮮有機既薯仔，食落非常有口感，香脆可口好好味。服務好專業，環境都好好，十分多打卡位。值得一試。