更多
2020-12-28
2512 瀏覽
唔好睇佢個裝修好似好新,但係入邊嘅嘢食質素絕對有大排檔嘅風味。嗰日去到我食咗佢嘅小炒王,豉椒炒蜆,仲有佢嘅四川麻辣雞煲。老實講,佢嘅小炒王真係有啲失望,因為冇咗我最鍾意食嘅韭菜,變咗做西芹,不過反而變咗西芹個口感變得更加豐富。可能因為個人喜好,冇得食韭菜,會有啲失望。佢個豉椒炒蜆就值得一讚,蜆肉入邊一啲沙都冇,而且仲有海水味,以我所知有啲餐廳會博爛個蜆殼,務求令到小菜可以快啲上碟,但係呢一間舖頭絕對冇馬虎,剩係得一兩隻蜆係冇開到殼,其餘嗰啲全部都開晒殼。佢個四川麻辣雞煲,好有風味,如果你係一個鍾意食辣嘅朋友,咁就啱晒你,因為麻同辣嘅味道都10分充足,而且滲晒入雞肉入邊,就連雞煲入邊嘅洋蔥亦都有雞肉味同埋麻辣味,呢一樣嘢係令到我有驚喜嘅。
嗰日去到我食咗佢嘅小炒王,豉椒炒蜆,仲有佢嘅四川麻辣雞煲。
老實講,佢嘅小炒王真係有啲失望,因為冇咗我最鍾意食嘅韭菜,變咗做西芹,不過反而變咗西芹個口感變得更加豐富。可能因為個人喜好,冇得食韭菜,會有啲失望。
佢個豉椒炒蜆就值得一讚,蜆肉入邊一啲沙都冇,而且仲有海水味,以我所知有啲餐廳會博爛個蜆殼,務求令到小菜可以快啲上碟,但係呢一間舖頭絕對冇馬虎,剩係得一兩隻蜆係冇開到殼,其餘嗰啲全部都開晒殼。
佢個四川麻辣雞煲,好有風味,如果你係一個鍾意食辣嘅朋友,咁就啱晒你,因為麻同辣嘅味道都10分充足,而且滲晒入雞肉入邊,就連雞煲入邊嘅洋蔥亦都有雞肉味同埋麻辣味,呢一樣嘢係令到我有驚喜嘅。
張貼