飲吧 (已結業)

下午茶決定叫啲甜品同同事一齊開心下。外賣app見到呢間做緊四折，又有疏乎厘，就決定喺度叫返幾件啦。最尾叫咗三件疏乎厘仲有一件海鹽雪糕。外賣黎到雪糕都未溶，依然係完整球體，厲害。海鹽味雪糕淺藍色，好特別，下面係硬身餅底。疏乎厘我叫左珍珠奶茶味，珍珠好少，奶茶味原來只集中係cream入面，而我唔食cream既，就無緣試到。同事叫左竹炭味，各樣幾OK，但一樣，竹炭集中係cream度，真可惜。呢間價錢偏貴，原價$5x得一件疏乎厘，無折真係唔會選擇呢度。