天然豚骨拉麵專門店一蘭

營業中

休息中

疫情之下，已經差唔多成年冇去日本旅行，唯有喺香港搵啲日本野止下心癮。香港嘅拉麵店近呢幾年開得越來越多，但要煮法正宗嘅寥寥可數。呢間一蘭拉麵貴為傳統博多豬骨湯拉麵嘅過江龍，算係數一數二出色嘅一間。成間舖基本上得一種拉麵可以選擇，但當中拉麵嘅軟硬度，湯嘅淡濃度，以致配菜叉燒，乾蔥，蒜蓉以及辣汁，都可以根據個人口味而作出調整。拉麵湯底偏鹹，飲落去有一種好獨特香濃嘅豬骨湯味，其他拉麵店都食唔到。辣汁更加係畫龍點睛，另外叫咗嘅糖心蛋同木耳水準都唔差，總括而言水準比坊間一般嘅拉麵店都要高。