影片
更多
2017-07-06
694 瀏覽
瑞記咖啡，我細細個就已經食，而家都見唔到個位老人家係舖頭幫手。最為人熟悉，不外乎西多士同樽裝奶茶。雖然我已經唔再住個附近，但偶爾都會過黎食下，因為廚師煮嘅誠意全都在食物裡找到。😊現在位於政府熟食街市內的瑞記咖啡，地方當然冇想當年係街舖咁闊落，我甚至覺得瑞記的枱櫈比其他店少。但人流不斷的反而係呢間老店以親民價錢提供出高質素食物，連外國人都會光顧！必推介-西多士冇錯！唔係普通出面個種炸到兩塊包燶晒，食完覺得-咪又係周街都有的西多士。而係加蛋汁煎香麵包，再倒上大量煉奶的西多。煉奶多少不用講，睇就知好似不計成本咁倒落去，我欣賞對於我這個愛甜的人，煉奶多當然好。且蛋味煎得很香，出食物速度快而準。一開始見西多士咁快上枱， 諗住質素降左。但原來唔係！😃仍保持熱黱黱新鮮上枱，就好似食大牌檔一定要有鑊氣個種感覺。我最喜歡就係呢種西多士，食完唔會覺得上火（俗稱:熱氣）。另外一點係，呢種只加煉奶，不加糖漿，有別於到處都能買到的版本。有人會話，咁樣自己都可以做到，點解要出去食?也許我想懷舊😂亦可能係因為我想支持呢啲有一定歷史的老店舖。價錢貼地的食肆買少見少，高質素的更少，所以就算住得唔近，放假都要過黎探探【它
現在位於政府熟食街市內的瑞記咖啡，地方當然冇想當年係街舖咁闊落，我甚至覺得瑞記的枱櫈比其他店少。但人流不斷的反而係呢間老店以親民價錢提供出高質素食物，連外國人都會光顧！
必推介-西多士
冇錯！唔係普通出面個種炸到兩塊包燶晒，食完覺得-咪又係周街都有的西多士。而係加蛋汁煎香麵包，再倒上大量煉奶的西多。
煉奶多少不用講，睇就知好似不計成本咁倒落去，我欣賞對於我這個愛甜的人，煉奶多當然好。且蛋味煎得很香，出食物速度快而準。
一開始見西多士咁快上枱， 諗住質素降左。但原來唔係！😃仍保持熱黱黱新鮮上枱，就好似食大牌檔一定要有鑊氣個種感覺。
我最喜歡就係呢種西多士，食完唔會覺得上火（俗稱:熱氣）。另外一點係，呢種只加煉奶，不加糖漿，有別於到處都能買到的版本。
有人會話，咁樣自己都可以做到，點解要出去食?也許我想懷舊😂亦可能係因為我想支持呢啲有一定歷史的老店舖。價錢貼地的食肆買少見少，高質素的更少，所以就算住得唔近，放假都要過黎探探【它】。
😆差點離題，到下一位出場-必飲樽裝奶茶
事實上，我到最後係叫左兩支😙每一支份量唔算多，凍奶茶唔會凍到好冰，剛剛好。以新鮮滾熱辣沖入玻璃樽內，再塞好樽口放入雪櫃內。
味道很香茶味，唔會好甜，少甜而已。奶茶很滑，飲完之後，口腔唔會好澀，唔似外面賣的奶茶。喜歡奶茶的朋友一定要試試好難完全形容到個種好味！
為左填飽肚，叫左鮮牛麵。
牛肉片一點都不偷功減料，一黎到枱面，有點兒似長洲蓮香咖啡個種熱黱黱的感覺。牛肉片相當嫩滑又新鮮，是真正的牛肉。外面食到的，很多都唔係真正牛肉的味道同口感，也許是因為牛肉價格較貴。所以很欣賞瑞記，多年來堅持住自己對食物的理念。
公仔麵條很煙靭，是出前丁丁。湯底一陣很香的麻油味正正正，食完一個麵都已經好飽，以早餐黎講🙄
最後叫左個蛋牛治
依然俾左好多材料，但...嗯🤔我覺得唯獨呢個冇咩特別，一般好食，同出面差唔多，唔需要專程過黎食。😌
講下環境，瑞記咖啡仲保留住以前寫嘅價錢牌係牆上，有時無需掛咩名畫、裝飾都可以靠實力吸引唔少顧客。
於熟食街市內，枱櫈就冇咩特別架喇，都係膠圓櫈同枱。整體環境都乾淨企理，冇異味。我絕對會為左西多士同樽裝奶茶再到訪
有點要讚讚，價錢牌上都設有英文，非常貼心，因為而家上環一帶都多左好多外國人居住，就算自己去食都冇問題☺當然非本地居民未必知道呢間食肆。
相反要說不滿意的地方，只係空調好弱，人手唔夠。得一男一女工作，要兼顧廚房同樓面，談何容易，變相下單時要耐心啲等。但黎呢度，都係為左食好野，呢啲小小缺點不足以影響我。
所謂【民以食為天】，作為香港人有時要調慢少少生活節奏，先能夠用心享受美食佳餚。
張貼
