鼎泰豐

營業中

休息中

今日三人行經沙田，中午時間試試沙田呢間。之前試過尖沙咀果間幾次，雖然無係台灣食咁好食但比起香港的上海鋪還算不錯。今次再試亦保持到水準。下午2:30都要等位等十五分鐘，可能沙田真係人太多加上星期日同自由行，到到都迫到暈，而呢間鋪入面係無廁所的，入坐後出去等廁所都等左十五分鐘，所以要黎最好算少人的時間。講返食物，小籠包仍有水準，皮薄有湯汁，係肉比較鞋左少少，仍算不錯。紅燒牛肉麵仍然係台式牛肉，唔會有硬同鞋口問題，個湯亦好香濃，不錯。肉包一般，不算驚喜，就似小籠包肉放入包入面。排骨炒飯都不錯，飯夠乾身，排骨香酥。最後叫左個甜品八寶飯，夠煙勒，甜度亦可接受，唯獨唔鐘意佢有d色素雜果係入面。埋單380，3人，午餐黎講較貴。