影片
更多
2019-09-15
14997 瀏覽
對我來說壽司郎在日本簡直是恩物！100日元就食到赤蝦，每次都同家人食起碼5件，過江龍黎香港，點都要試下。App開啟無耐已經滿額無得預約，我無放棄繼續耐不耐就開app黎睇下，點知有一晚見到勁多日子可訂，即刻訂個2人位同老公嘆下啦。當晚7:45到，由出電梯到入座都排滿等候的食客，心想幸好有預約，而且好對唔住咁講，有少少少少優越感，呢種感覺係黎自我老公，因為見到我老公好驚訝可以越過咁多人直入，好讚許我既表情，我的確飄飄然了😂😂好～入正題！比起日本，香港店多了這個牌，用黎帶你入座同埋最後埋單拿去收銀台用，幾有心思。任飲區有汽水、花茶果茶、咖啡等，不過成餐飯都無見人有飲。先黎店內期間限定，海膽分量多，但不算好鮮，中規中矩。再來香港店必食之選$17的吞拿魚壽司，油脂色澤中上，稍稍有筋，不錯。但呢一款三味我期間限定就真係唔係咁掂，刺身色澤暗啞，赤貝唔算好新鮮爽口。三文魚壽司更是劣質，薄到爭鮮都好過佢。我留意返餐牌，有分$12三文魚壽司，即圖中呢款之外仲有$17厚切三文魚壽司。我叫過黎食，頂！厚切先係外面正常既厚度，取巧！我點了兩款熱食，可以好肯定說：熱食好難食！其實日式店家好細心，一碗湯拉麵會在設計
100日元就食到赤蝦，每次都同家人食起碼5件，過江龍黎香港，點都要試下。
App開啟無耐已經滿額無得預約，我無放棄繼續耐不耐就開app黎睇下，點知有一晚見到勁多日子可訂，即刻訂個2人位同老公嘆下啦。
當晚7:45到，由出電梯到入座都排滿等候的食客，心想幸好有預約，而且好對唔住咁講，有少少少少優越感，呢種感覺係黎自我老公，因為見到我老公好驚訝可以越過咁多人直入，好讚許我既表情，我的確飄飄然了😂😂
好～入正題！
比起日本，香港店多了這個牌，用黎帶你入座同埋最後埋單拿去收銀台用，幾有心思。
任飲區有汽水、花茶果茶、咖啡等，不過成餐飯都無見人有飲。
先黎店內期間限定，海膽分量多，但不算好鮮，中規中矩。
再來香港店必食之選$17的吞拿魚壽司，油脂色澤中上，稍稍有筋，不錯。
但呢一款三味我期間限定就真係唔係咁掂，刺身色澤暗啞，赤貝唔算好新鮮爽口。
三文魚壽司更是劣質，薄到爭鮮都好過佢。我留意返餐牌，有分$12三文魚壽司，即圖中呢款之外仲有$17厚切三文魚壽司。我叫過黎食，頂！厚切先係外面正常既厚度，取巧！
我點了兩款熱食，可以好肯定說：熱食好難食！其實日式店家好細心，一碗湯拉麵會在設計上封實碗邊，絕對不會倒瀉在客人身上。但味道來說，太難食麵湯頭非常杰，唔係濃稠咁簡單，而且太太太咸！豚肉肉質偏硬，在肚餓既狀態之下我仍然只食半碗，我老公問我係咪唔好食😅
日式蒸蛋，真係......差過元x9條街，蒸蛋唔夠滑，唔係高湯既鮮味而是死咸。
一路食一路見到好多壽司都係咁樣既狀態，留意過輸送帶運入客人區時不太順暢，可以好多時如果壽司較為鬆散既話就直接變成咁樣上台。
最後想分享一個插曲，多次聽到食評說此店服務態度好，介紹時會蹲下身與客人平視線，我同意，但希望不止是表面上的禮貌。我試過兩次致電查詢，基本上兩次對談中，第一位回應既職員連基本的問題都答唔出，而且語氣不太禮貌，有一次我說我在app裡預約左今晚....，個女職員一口覆：我地無得預約嫁！
我解釋俾佢聽有預約，我是想問有無留台時間，超過幾多分鐘就無效，點知個女職員話：你準時咪得。（完全無答過問題！）
事後男經理解釋電話駁左去廚房，所以職員不是很清楚，之後有道歉。不過.....唔好話是日本餐廳，連普通餐廳都唔合格，希望店家可以重視員工的培訓。
張貼
