影片
更多
2015-06-27
1554 瀏覽
剛與男友兩個人放工去尖沙咀行街，響K11商場內見到東海，心諗近排食日本菜、西餐都食到厭厭地，見到東海有三個二人套餐揀，好似都有好多選擇，咁就入去試吓。呢間鋪裝修好新淨，啲枱又唔迫，坐得好舒服。哈哈，我成日覺得枱太近，人地聽到晒我們講ｄ野，一係有d店就太迫，大家都唔敢坐太耐，依度就唔同。落單後四選二嘅小食好快到咗，首先上枱的是蒜拍青瓜雲耳，青瓜及雲耳都很爽脆，蒜汁味較重，對我來說比較鹹，但男友就不斷食,不停講好好味，。跟住係百味豆腐，豆腐是炸的，细細粒賣相好Q，皮有少少調味粉好夠味，推介唔好點喼汁食原味。接着是娘惹醬煎蝦，娘惹醬是辣的，跟了一片不太熱又脆脆的法包,，蝦殼有切開，用附上的刀义食得方便d。食完最後一口法包，萬眾期待的花膠佛跳牆便到了，瘦肉、冬菇、花膠、海參、乾瑤柱在迷你沙煲內浮吓浮吓，都好多料, 好好味 ,當然好快俾我地飲完。飲完湯便到蠔皇鮑魚海參，海參很大條，不過太多茨 ,食到我已經好飽了。上湯時蔬是菜心，用菜來代替白飯是最好不過了，食到依度男友都表示差不多飽了。跟住就係上素粉果，皮薄薄但夠煙韌，內裏塞滿了很多馬碲，絕對有驚喜。 GOOD GOOD GOOD!!精緻的特式
剛與男友兩個人放工去尖沙咀行街，響K11商場內見到東海，心諗近排食日本菜、西餐都食到厭厭地，見到東海有三個二人套餐揀，好似都有好多選擇，咁就入去試吓。
呢間鋪裝修好新淨，啲枱又唔迫，坐得好舒服。哈哈，我成日覺得枱太近，人地聽到晒我們講ｄ野，一係有d店就太迫，大家都唔敢坐太耐，依度就唔同。
落單後四選二嘅小食好快到咗，首先上枱的是蒜拍青瓜雲耳，青瓜及雲耳都很爽脆，蒜汁味較重，對我來說比較鹹，但男友就不斷食,不停講好好味，。
跟住係百味豆腐，豆腐是炸的，细細粒賣相好Q，皮有少少調味粉好夠味，推介唔好點喼汁食原味。
接着是娘惹醬煎蝦，娘惹醬是辣的，跟了一片不太熱又脆脆的法包,，蝦殼有切開，用附上的刀义食得方便d。
食完最後一口法包，萬眾期待的花膠佛跳牆便到了，瘦肉、冬菇、花膠、海參、乾瑤柱在迷你沙煲內浮吓浮吓，都好多料, 好好味 ,當然好快俾我地飲完。
飲完湯便到蠔皇鮑魚海參，海參很大條，不過太多茨 ,食到我已經好飽了。
上湯時蔬是菜心，用菜來代替白飯是最好不過了，食到依度男友都表示差不多飽了。
跟住就係上素粉果，皮薄薄但夠煙韌，內裏塞滿了很多馬碲，絕對有驚喜。 GOOD GOOD GOOD!!
精緻的特式甜點是奶凍，細细隻透明杯又精緻又好味。(不過對於愛食甜品的我, 太細杯了)
最後是馬蹄露，有好多蛋花及加上少量桂花令成碗糖水更香，生色不少。
張貼
