更多
2017-02-23
833 瀏覽
今日同男友去咗九龍灣megabox嘅大型傢俬舖行街買野行到有啲餓 又想正正經經咁搵間餐廳坐低食飯去到五樓嘅podium平台見到角落處有間裝修得幾骨子 環境又幾清靜嘅餐廳於是就過去睇下原來呢間叫做《Achacha》 嘅西餐廳有各種唔同嘅手工啤酒飲見到牆上面都掛色著嘅啤酒樽無奈因為病未能夠品嚐叫咗一個medium plate 西西里式薄切三文魚$60三文魚油分豐富上面淋有香醇嘅橄欖油而且撒上黑椒 香草 同酸醃菜令人相當開胃至於主菜就叫咗太極扁意粉即係黑白松露扁意粉呢一個係素食菜式雖然睇落唔係想像咁樣係太極形狀但係就食得出有黑松露味同埋其他菇菌味最特別就係個甜品意式黑啤酒雪糕平時嘅 Espresso Affogato 就食得多用黑啤酒來整嘅確實係第一次試黑啤酒大帶有 咖啡同埋朱古力嘅香氣配襯咩款呢拿味嘅雪糕出乎意料地咁夾而且飲落有啲似黑牛都幾有新意估唔到呢間餐廳仲有戶外座位喺天氣好嘅時候出去坐下吹吹風都幾寫意
行到有啲餓 又想正正經經咁搵間餐廳坐低食飯
去到五樓嘅podium平台
見到角落處有間裝修得幾骨子 環境又幾清靜嘅餐廳
於是就過去睇下
原來呢間叫做《Achacha》 嘅西餐廳有各種唔同嘅手工啤酒飲
見到牆上面都掛色著嘅啤酒樽
無奈因為病未能夠品嚐叫咗一個medium plate 西西里式薄切三文魚$60
三文魚油分豐富
上面淋有香醇嘅橄欖油
而且撒上黑椒 香草 同酸醃菜
令人相當開胃
至於主菜就叫咗太極扁意粉即係黑白松露扁意粉
呢一個係素食菜式
雖然睇落唔係想像咁樣係太極形狀
但係就食得出有黑松露味同埋其他菇菌味
最特別就係個甜品意式黑啤酒雪糕平時嘅 Espresso Affogato 就食得多
用黑啤酒來整嘅確實係第一次試
黑啤酒大帶有 咖啡同埋朱古力嘅香氣
配襯咩款呢拿味嘅雪糕
出乎意料地咁夾
而且飲落有啲似黑牛
都幾有新意
估唔到呢間餐廳仲有戶外座位喺天氣好嘅時候出去坐下吹吹風
都幾寫意
張貼
