Burgeroom (Fashion Walk)

營業中

休息中

今日同朋友去咗銅鑼灣行街,每次去完銅鑼灣我哋都會喺附近搵啲嘢食下,今日無意中發現一間食漢堡包嘅快餐店,有啤酒飲又可以傾下偈。Burgeroom 地址係銅鑼灣百德新街50至56號Fashion Walk 食街地下D舖。餐廳有室內同室外方便唔同客人嘅需要,餐廳嘅地方都好大,裝修得好有格調,好適合喺度傾下偈飲下啤酒食啲嘢。mini Beef Burger $60元另外加15元有一支 Corona Extra bottle ,價錢真係好合理性價比好高,漢堡包上枱已經聞到香味,麵包做到好鬆軟,入面嘅牛肉味道好香,食落去又多肉汁加上有少少芝士蕃茄,醬汁幾樣嘢配搭埋一齊味道好夾,另外薯條都做到金黃色又香又脆。Mini Fish Burger $60元,漢堡包入面嘅魚柳炸到金黃色,味道好香食落去又有口感,比普通快餐店嘅漢堡包做得更加出色，而且炸魚外層嘅皮又唔會好厚，食落淡淡魚肉popcorn chicken $60元,炸雞米花熱辣辣分量又多,加上炸到金黃色，食落去特別香口,又香又惹味,入口唔會覺得好油膩，用嚟配啤酒真係一絕。