影片
更多
2021-11-03
381 瀏覽
伏！第一次嬲到寫食評，係唔想其他人中伏，同我一樣有咁不愉快既經歷，所謂「任食大閘蟹」原來係每人全晚只限食3隻，因為佢每叫一次，只會按人頭黎一隻，之後每一轉都話要蒸30分鐘，所以，最後一個人只會食到三隻，咁唔係叫任食啦。不特止，大閘蟹無比醋同交剪，食刺身又無鼓油碟，啤酒機用既透明即棄膠杯係重用既。今次係人生第一次食放題食唔飽，食物種類少都算，味道仲要係差，上台速度極慢，黎野食先比餐具，感覺係用盡方法減低你食既速度／數量。打正旗號「任食至尊大閘蟹、生蠔、海膽同生啤！」，吸引人去到，先知所謂既生蠔、海膽同生啤任食任飲係要每款另加原價$409以外再加一，埋單成$600一位。另外，室內環境非常逼挾，同隔離台接近肩貼肩既距離。只係覺得佢係疫情下係賺到盡，不顧食客既安全。職員的態度也不好。去過一次，唔會再去！
不特止，大閘蟹無比醋同交剪，食刺身又無鼓油碟，啤酒機用既透明即棄膠杯係重用既。
今次係人生第一次食放題食唔飽，食物種類少都算，味道仲要係差，上台速度極慢，黎野食先比餐具，感覺係用盡方法減低你食既速度／數量。
打正旗號「任食至尊大閘蟹、生蠔、海膽同生啤！」，吸引人去到，先知所謂既生蠔、海膽同生啤任食任飲係要每款另加原價$409以外再加一，埋單成$600一位。
另外，室內環境非常逼挾，同隔離台接近肩貼肩既距離。只係覺得佢係疫情下係賺到盡，不顧食客既安全。職員的態度也不好。
去過一次，唔會再去！
張貼
