影片
更多
2021-04-16
4354 瀏覽
上次係Ritz Carlton食過一次lunch buffet之後，（雖然佢少選擇，但樣樣都好食）都覺得唔錯，今次又見佢Flash Sales做平日夜晚自助餐，就買咗coupon（$600連埋加一）同個friend試吓佢同個lunch嘅分別。去到餐廳，我哋被安排咗係近窗邊嘅位置，以為諗住有靚靚夜景伴住一齊食啦，但好景不常，今日天氣麻麻，好大霧，雲層又低，望出去完全望唔到景，有個正位都enjoy唔到。好啦！出去拎嘢食啦！佢個buffet位其實唔大，分左中右3 part，左邊係熱食，中間係甜品，右邊係凍嘢，3邊都好平均。由於我坐係左邊嘅關係，一出去就會攞熱嘢先！首先就俾佢個live station吸引，平時嗰啲自助餐嘅live station都係碌下粉麵或者意粉之類嘅嘢，但佢今日係成盆花膠咁放咗喺度，即場整個花膠扣鮑魚菇俾你！雖然啲花膠係有啲硬，但個味幾好！同埋唔知係咪呢排做緊花膠節，佢除咗呢個花膠扣鮑魚菇之外，連個中湯都係花膠湯，仲有一個栗子雞煲炆花膠，反而呢2個花膠又好滑好好食，又有d厚度，絕對唔係啲垃圾膠！骨膠原滿分！食咗勁多！到凍海鮮啦，佢夜晚buffet係多咗生蠔、龍蝦同長蟹腳嘅
去到餐廳，我哋被安排咗係近窗邊嘅位置，以為諗住有靚靚夜景伴住一齊食啦，但好景不常，今日天氣麻麻，好大霧，雲層又低，望出去完全望唔到景，有個正位都enjoy唔到。
好啦！出去拎嘢食啦！佢個buffet位其實唔大，分左中右3 part，左邊係熱食，中間係甜品，右邊係凍嘢，3邊都好平均。由於我坐係左邊嘅關係，一出去就會攞熱嘢先！首先就俾佢個live station吸引，平時嗰啲自助餐嘅live station都係碌下粉麵或者意粉之類嘅嘢，但佢今日係成盆花膠咁放咗喺度，即場整個花膠扣鮑魚菇俾你！雖然啲花膠係有啲硬，但個味幾好！同埋唔知係咪呢排做緊花膠節，佢除咗呢個花膠扣鮑魚菇之外，連個中湯都係花膠湯，仲有一個栗子雞煲炆花膠，反而呢2個花膠又好滑好好食，又有d厚度，絕對唔係啲垃圾膠！骨膠原滿分！食咗勁多！
到凍海鮮啦，佢夜晚buffet係多咗生蠔、龍蝦同長蟹腳嘅，生蠔ok，個龍蝦就冇咩味，唔好食。反而最有驚喜係啲凍蝦，佢食落口嘅感覺就好似白灼蝦咁但係就整凍咗，好彈牙好有鮮味！仲有個Parma ham同埋煙三文魚都好好食！好有油香！刺身方面就有北寄貝、鱲魚、三文魚同八爪魚，咁我攞咗啲鱲魚同埋北寄貝試吓，個師傅好貼心，佢會將啲刺身放喺一個長形碟嘅側邊，等你另一邊可以放隻豉油碟去裝豉油同wasabi，一讚！仲有，如果冇人排隊嘅話，師傅仲會用啲消毒液去消毒個砧板同埋把刀，非常之衛生！
到最後甜品啦，其實呢個先至係今個buffet嘅主角，本身Ritz Carlton Afternoon Tea Set d甜品都好好，佢buffet唔會因為係buffet就俾啲啲cheap嘢你，佢有好多款甜品俾你揀，放係個櫃入面display得好靚，仲要件件精美，款款都好好味，又唔太甜！個人大推Creme brûlée，朱古力布甸同柚子mousse cake。我大大話話都食咗成10款甜品，勁飽！
朋友都話呢個價錢有d有質素又啱食嘅嘢絕對OK！
食完今餐又要lunch食菜啦！
花膠扣鮑魚菇
71 瀏覽
0 讚好
0 留言
花膠扣鮑魚菇
65 瀏覽
0 讚好
0 留言
燒牛肉、羊髀
85 瀏覽
0 讚好
0 留言
凍海鮮
124 瀏覽
0 讚好
0 留言
生蠔
108 瀏覽
0 讚好
0 留言
Parma ham, smoked salmon
76 瀏覽
0 讚好
0 留言
鱲魚同北極貝
71 瀏覽
0 讚好
0 留言
甜品
89 瀏覽
0 讚好
0 留言
甜品
99 瀏覽
0 讚好
0 留言
甜品
125 瀏覽
0 讚好
0 留言
張貼
