拉麵台風 (已搬遷) 新店位置

前日同老婆出荃灣，唔知食咩好!凍冰冰諗住食d熱野，上網又見食評唔太差，所以決定一試而間台風。我同老婆都鐘意食辣，叫左個秘制辣味湯拉面。因為店內得四款選擇，所以都無咩好揀。佢有得揀面嘅硬度，湯嘅濃度，我就揀左硬面，普通嘅湯底。但個硬度真係好似無煮過咁，我以為係我選硬面係咁姐，點知連老婆個普通面斬硬到食咖到。一睇見到個煮面果個，掉個南天製面嘅面底落去煮。。個湯我知道係以"結"見稱，但真係太'結"，完全同個面唔夾。果兩塊义燒又散又"UN"又無肉味，真係好差。服務麻麻，而且裝修都真係完全唔得。＄83蚊碗咁既面，係荃灣真係好唔掂。