影片
更多
2010-06-06
153 瀏覽
星期六同太太來angelini試下佢個半自助式午餐, 有自助頭盤+主菜+甜品+咖啡廳或茶, 以酒店意大利餐廳來說, 賣$218絕對不貴, 而且大部份檯仲要睇到海景首先送上自家製的麵包籃同菜湯, 麵包暖暖的, 有香草包,小麥包,grissini等, 配以沒甚味道的橄欖油香草醬, 最出色係grissini, 香脆而且有麵食香, 而菜湯極濃似一d打溶左的菜一樣自助頭盤二十多款, 有沙律, 水牛芝士,蕃茄, 蘆筍, 各式凍肉, 風乾火腿, 莎樂美腸, 菌類, 魚塊, 八爪魚, 青口, 大蝦, 煙三文魚, 生果等, 大部份都新鮮可口, 但當中以風乾火腿, 凍蝦, 八爪魚同sun dried 的蕃茄比較出色主菜一叫左pizza margherita with prosciutto 風乾火腿薄餅, 熱辣辣送到, 薄餅厚度唔算太薄但有麵粉香, 搽蕃茄醬好平均, 其實我自己卻偏愛薄一d的餅底, 而風乾火腿係同頭盤的一樣, 每人食兩片已經非常飽肚, 為左要品嚐另一主菜, 剩下的要外帶回家主菜二係trenette al pesto a gamberi , trenette with basil, pest
首先送上自家製的麵包籃同菜湯, 麵包暖暖的, 有香草包,小麥包,grissini等, 配以沒甚味道的橄欖油香草醬, 最出色係grissini, 香脆而且有麵食香, 而菜湯極濃似一d打溶左的菜一樣
自助頭盤二十多款, 有沙律, 水牛芝士,蕃茄, 蘆筍, 各式凍肉, 風乾火腿, 莎樂美腸, 菌類, 魚塊, 八爪魚, 青口, 大蝦, 煙三文魚, 生果等, 大部份都新鮮可口, 但當中以風乾火腿, 凍蝦, 八爪魚同sun dried 的蕃茄比較出色
主菜一叫左pizza margherita with prosciutto 風乾火腿薄餅, 熱辣辣送到, 薄餅厚度唔算太薄但有麵粉香, 搽蕃茄醬好平均, 其實我自己卻偏愛薄一d的餅底, 而風乾火腿係同頭盤的一樣, 每人食兩片已經非常飽肚, 為左要品嚐另一主菜, 剩下的要外帶回家
主菜二係trenette al pesto a gamberi , trenette with basil, pesto and shrimps 鮮蝦香草醬意大利闊條麵, 份量頗多, 闊條麵比Fettucine窄身同厚一點, 而且煮得al dente, 口感十足, 配上自家製香草醬同不知名的豆, 新鮮爽口的大蝦, 水準之作....
甜品方面太太選擇了gelato, 要朱古力味同開心果味, 朱古力味濃而不膩, 而開心果味則味道真實, 本來我想試水準不錯的tiramisu, 但最後卻試了香港比較少有的cannoli con ricotta e frutta candita,西西里特色芝士脆卷, 脆卷脆皮好腍, 好似放左好耐咁, 又有少許'油益'味, 而中間係忌廉狀的Ricotta Cheese, 兩邊有開心果粒, 但塊脆皮一定都唔脆已令我唔想再食, 唔通傳統的西西里特色芝士脆卷係呢種味道??失望到不得了...
咖啡叫左latte同cappuccino, 點知咖啡沒甚味道, 而且不香不濃, 只有奶味, 似一杯加多左奶的Americano咁, 身為意大利餐廳的咖啡做得咁差, 真係抵打!!
埋單$240 ($218加一), 有d信用卡仲有折, 雖然價錢不貴, 但食品水準參差, 睇你運氣啦
張貼
