更多
2022-08-02
63 瀏覽
蟹仙海鮮蒸氣鍋 (龍崗道)最近工作實在太忙碌,決定同同事好好食餐海鮮大餐。海鮮最緊要新鮮,而今次我地揀左食到海鮮最原汁原味嘅海鮮蒸氣鍋。一入到去幾乎滿座,好采我地前一日就book咗枱。入面有唔同套餐可以選擇,店員都好熱情介紹套餐內容。最後我地就試咗刁鑽海鮮套餐。由於每日海鮮新鮮到港,套餐內容有機會有更改。每個蒸鍋隔離都會有一個計時器,店員都會幫手蒸,咁就可以蒸到海鮮啱啱好,唔洗驚蒸過龍。-------------------------刁鑽海鮮套餐 $699一位 -蟹黃青瓜店員話哩隻蟹黃醬係佢哋自己炒既。濃郁嘅蟹黃醬加埋清新嘅青瓜,係好好嘅開胃菜,好食蟹就每人半隻,本身我地叫3份都係膏蟹,可惜剩返最後一隻,咁最後唯有揀埋膏仔蟹,再share食🦀越南頂角膏蟹一上到枱,橙黃色嘅蟹膏已經吸引住我眼球,下面仲有啲綠蟹膏,爆曬出嚟。蒸完之後橙色嘅會變硬膏,好似鹹蟹黃咁好香,半凝固狀嘅綠膏又好滑好鮮味。蟹肉又好扎實,好有蟹味。🦀罕有藻食綠膏蟹/ 野生膏仔蟹店員指綠膏蟹同膏仔蟹其實一樣,分別在於係唔係食左海藻。哩隻size比起膏蟹冇咁大,膏又冇咁多。但膏都幾香,帶回甘嘅味道。🦞原隻澳洲龍蝦 (可選做
最近工作實在太忙碌,決定同同事好好食餐海鮮大餐。海鮮最緊要新鮮,而今次我地揀左食到海鮮最原汁原味嘅海鮮蒸氣鍋。
一入到去幾乎滿座,好采我地前一日就book咗枱。入面有唔同套餐可以選擇,店員都好熱情介紹套餐內容。最後我地就試咗刁鑽海鮮套餐。由於每日海鮮新鮮到港,套餐內容有機會有更改。每個蒸鍋隔離都會有一個計時器,店員都會幫手蒸,咁就可以蒸到海鮮啱啱好,唔洗驚蒸過龍。
-------------------------
刁鑽海鮮套餐 $699一位
-蟹黃青瓜
店員話哩隻蟹黃醬係佢哋自己炒既。濃郁嘅蟹黃醬加埋清新嘅青瓜,係好好嘅開胃菜,好食
蟹就每人半隻,本身我地叫3份都係膏蟹,可惜剩返最後一隻,咁最後唯有揀埋膏仔蟹,再share食
🦀越南頂角膏蟹
一上到枱,橙黃色嘅蟹膏已經吸引住我眼球,下面仲有啲綠蟹膏,爆曬出嚟。蒸完之後橙色嘅會變硬膏,好似鹹蟹黃咁好香,半凝固狀嘅綠膏又好滑好鮮味。蟹肉又好扎實,好有蟹味。
🦀罕有藻食綠膏蟹/ 野生膏仔蟹
店員指綠膏蟹同膏仔蟹其實一樣,分別在於係唔係食左海藻。哩隻size比起膏蟹冇咁大,膏又冇咁多。但膏都幾香,帶回甘嘅味道。
🦞原隻澳洲龍蝦 (可選做刺身)
龍蝦可揀做刺身,但我地都鍾意食熟嘅龍蝦。肉質鮮甜扎實,口感爽口彈牙,一啖食落去真係好幸福。
-野生琵琶龍蝦
第一次食哩款海鮮,表面有層絨毛。味道仲出過龍蝦,肉質比較柔嫩。
-野生大瀨尿蝦
瀨尿蝦一直係我海鮮list上既top 3。哩度會幫你拆埋殼,方便食用。都係嗰句 好新鮮 😍,好食。
-八頭南非鮑魚: 蒸得啱啱好,唔會韌,但又保持到口感。野生牡丹海老🦐: 好大隻,肉厚彈牙,好有蝦味,冇痴殼。聖子爽脆鮮甜,完全冇沙。元貝好大粒,鮮味十足。
-有機蔬菜籃
蒸完嘅蔬菜特別清甜,尤其係粟米。
-粥底
所有海鮮精華都漏曬落去熬粥,超級鮮甜!!
-------------------------
好推介鍾意食海鮮嘅朋友!
p.s. 星期五,六,日,公眾假期及前夕需加$28/位
另收加一服務費,粥底及醫油費 $15/位
圖中為3人份量
蟹仙海鮮蒸氣鍋 (龍崗道)
地址
🎈九龍城龍崗道2-4號地下
張貼